Kabanata 261

Hindi aabalahin ni Maisie si Cherie sa anumang bagay, kaya ngiti na lang ang sinagot niya.

Lumapit si Raven pagkaalis ni Cherie, gustong maki-chismis, “Ate Maisie, kamag-anak ka ba ni Ate Cherie?”

“Hindi no.” Tumawa si Maiise at pinatong sa kama ang dala niyang backpack.

Naupo si Raven sa kama, nakatagilid ang ulo, at kunot ang noong pinagmasdan si Maisie. “Kung ganoon, magkakilala kayo ni Ate Cherie.”

Nilabas ni Maisie ang kaniyang mga toiletries at tiningnan si Raven, at sinabing, “Magkakilala lang kami. May problema ba dun?”

Umiling si Raven at bigla ulit nagtanong, “Bakit ka nagpunta sa training camp? Gusto mo rin bang maging agent?”

Napahinto si Maisie at saka nagtanong, bakas sa mukha niya ang pagkabigla, “Itong training camp ba ay nagte-train ng mga agent?”

Hindi niya alam ang tungkol doon.

“Oo, hindi mo ba alam?” Nagulat si Raven, pero hindi talaga alam ni Maisie.

Nang makitang hindi naiintindihan ni Maisie ang kaniyang pinapasok, hindi na nasurpresa si Raven.