Chapter 15.1-The Confession

[Devon Serrano]

"Matangos ang ilong... medyo singkit na mga mata...manipis na labi...matulis ang panga...saka makapal na kilay...okay na ba 'to?"

Ipinakita ni Dylan sa akin ang isang sketch ng mukha ng Nayaging nakaharap ko. Kaming dalawa lang ngayon ang magkaharap habang nasa kabilang dulo ng mesa si Scarlet at Wayne, nakikipag-usap sa mga sender nila via chat.

"Kapalan mo pa nang kaunti ang kilay," wika ko sa kaniya. "At 'yong bangs niya, nakaharang sa kanang mata...parang ganito."

Dumukwang ako sa mesa para abutin ang buhok niya.

"O-Oy! Anong ginagawa mo?!" Inilag kaagad niya ang ulo niya kaya umupo na ulit ako nang maayos at pinagmasdan ang mukha niya. "B-Bakit ganyan ka makatingin? Crush mo ba 'ko, ha?!"

"Tangina, Dylan, nasa kabilang dulo kami ng mesa pero rinig na rinig ko 'yang boses mo!" angil ni Scarlet habang nakaharap sa isang laptop.

"Ito kasi si Devonyo, eh!" Tinuro niya ako na parang batang nagsusumbong.

"Ngayon ko lang kasi napansin..." wika ko nang hindi ina