Kabanata 20

MIKAY

Isang linggo na ang nakakalipas simula nang mangyari ang interview, at sa isang linggo na iyon ay hindi ako tinantanan ni Damonyo sa pagpapaalala sa akin ng nangyari sa interview ko. Gusto ko nga sana itong kalimutan kaya lang lagi naman niyang bukambibig, paano naman kaya ako mag m-move on kung sakali.

"Alam mo Mikay, simula nang matapos ang interview lagi ka na lang nakabusangot. May nangyari ba?" tanong ni Tina sa akin.

Buti na nga lang talaga at hindi lumabas ang katangahang nagawa ko, kung nagkataon maglalayas ako sa bansang aking sinilangan. Hindi lang naman ako yung may kahiya-hiyang experience eh, si Juday sumagot nga pero ang layo naman sa tanong, si Tina naman habang nag C-CPR nadulas ang kamay niya kaya naman sumubsob ito... tapos ako? Ayoko na lang mag talk dahil for sure na tatawanan lang nila ako.

"Hoy Mikay! Pinapasabi ni papa na tawagan mo raw siya. Itong babaeng ito por que..." Pinandilatan ko ng mata si Ruby bago pa siya may masabing hindi maganda. "Basta tawag