Chapter 5

"Bruha, tingnan mo ang picture ni sinend sakin ng isang afam ko. Bongga talaga ang katawan, day! Naku! Sarap pisilin! Pariah! Tingnan mo dali."

Kinalabit ko si Pariah na nakatunganga lang sa monitor.

"Pahinga ka muna, gaga. Kalahating araw ka nang nakaharap diyan. Relax din. O, eto. Magmeryenda ka muna ng pan de sal at itlog."

Iniumang ko sa kaniya ang hawak na cellphone.

"Ano ba kasi iyan."

Tumayo ito mula sa silya at tumabi sa akin sa kama. Kinuha nito ang cellphone at tinitigan. Binatukan niya ako.

"Walanghiya ka talaga. Ari iyan ng lalaki, eh."

Humagalpak ako ng tawa.

"Oo fren. It's a long, hard and hairy dick. Grabe no, ang laki pala talaga ng mga penis ng mga Amerikano. Ganito rin ba ang kay Owen?"

Inirapan niya ako at tinuktukan sa ulo.

"Doon ka nga sa labas! Binubwisit mo ako, eh. Nagre-review iyong tao. Doon ka kay Barbie!"

"Ito naman! Para joke lang. Pikon agad."

Humiga ako sa kama at tiningnan uli ang picture.

"Di nga, Pariah. Malaki ba?"

Iniumang nito ang nadampot na libro sa akin at aktong ibabato.

"Oo na! Lalabas na!"

Bumangon ako at tinakbo ang pinto pero bago lumabas ay muli ko siyang nilingon.

"Imagine mo nga uli bes para ma-measure natin."

Isinara ko na ang pinto kaya sinalo nito ang lumipad na libro.

Tatawa-tawang pumunta ako sa kusina kung saan magkasamang nagluluto ng kung ano sina Barbie at Sheki.

"Nang-inis ka na naman. Alam mo namang burn out na iyong tao. Hiwain mo nga tong sibuyas para may pakinabang ka naman."

Ibinigay sa akin ni Barbie ang kutsilyo kaya napilitan akong ibaba ang cellphone sa mesa.

"Inaaliw ko lang. Naduduling na kasi sa kakatitig sa computer."

Nilingon ko si Sheki na tahimik na naghahalo ng kung ano sa kaldero.

"Anyare diyan?"

Nagkibit-balikat si Barbie.

"Ewan. Kanina pa yan ganiyan mula nang dumating yan dito kanina. Kausapin mo nga."

Kinuha ko ang cellphone at nilapitan si Sheki na tulala pa rin. Kinalabit ko siya.

"Sheks, may ipapakita ako sa iyo. Baka sakaling magising ka."

Lumingon siya, blangko pa rin ang mukha.

"Ano?"

Ipinakita ko ang picture sa gallery. Tinitigan niya ito nang matagal bago napailing.

"Wala ka talagang kwenta. Alisin mo nga iyan."

Humalakhak ako.

"Ang laki no kaso maitim lang."

"Saan mo ba nakuha iyan?"

"Uy ano iyan? Patingin ako."

Inagaw ni Barbie ang cellphone sa akin at tiningnan. Nanlaki ang mga mata nito.

"Gago ka Xylca! Kadiri ka! Bat ka may ganiyan?"

Natatawang kinuha ko ang cellphone at ibinulsa.

"Sa isa kong afam. May pagka-weird kasi ito. Iba iyong fetish niya. Gusto niyang pinipicturan yung ano niya tas ise-send niya sa mga ka-chat niya."

Tumaas ang kilay ni Barbie kita ang disgusto sa mukha.

"Tapos pumayag kang sendan ka niyan?"

"Ay hala. Hindi ko naman hawak ang utak niya no. Malay ko bang magsesend siya bigla. Natuwa naman ako sa itsura. Parang itim na suman na may mga buhok. Tingnan nga uli natin."

"Hoy tumigil ka nga. Kadiri ka!"

Tumawa ako ng malakas.

"Para ito lang. No big deal. Sanay na akong makatanggap ng ganito."

"Ang dami talagang weird sa Internet," sabi ni Barbie.

"Oo naman lalo na sa field ko na halos lahat ng lahi sa buong mundo ay nakakasalamuha mo. Kahapon nga, may humihingi sa akin ng picture ng kilikili ko. Bibilhin daw! Tinry ko namang sendan. Ayun, binayaran ako. May isa pa na nanghingi ng picture ng paa. E ako naman bilang generous na tao ay siyempre bumigay din agad. Tumataginting na dollars agad."

"Hoy jusko Xylca! Ilan ba ang mga afam mo ngayon?" nanghihilakbot na tanong ni Barbie.

"Lima sila ngayon pero ang jowa ko talaga ay si Charles. Yung iba, mga sumusulpot lang kapag nanghihingi ng mga regalo."

"Regalo?" naguguluhang singit ni Barbie.

"Oo, regalo. Pictures ko."

"Alam ba iyan ni Charles na may iba pa bukod sa kaniya?"

Tumango ako.

"Oo naman. Ano nga iyong tawag niya dito? Ah, open relationship. Alam niya."

"Ang galing ng marketing strategy mo sis. Iba! Hanep ka tol."

"And you're okay with it? You're practically selling yourself," puna ni Sheki.

"For the record, hindi ako nagbebenta ng nudes ko. Di ko rin naman dyina-judge ang ibang nagbebenta ng ganun kasi wala ako sa posisyon nila. Chika chika lang ako tapos send ng kamay, kilikili, paa at kuko. Oo, tama ka. Binebenta ko nga ang sarili ko pero lahat naman tayo dito binebenta ang sarili natin di ba? Iba nga lang sa inyo. Communication skills niyo, technical skills at iba pang mga skeme skills na iyan. Ako naman ay chika skills at presence skills ang binebenta."

"Ay wow! Galing dumepensa. Bars bijj! Hiwain mo na nga iyang sibuyas Xylca. Kanina pa ako nagugutom. Kain na kain na ako."

Tinalikuran ko si Sheki at lumapit sa mesa. Sinimulan kong balatan ang sibuyas.

"You're too defensive," pahabol pa ni Sheki.

"Slight lang naman."

Ngumiti ako. Binalatan ko ang sibuyas at hiniwa.

"Ano ba ang niluluto niyo?" tanong ko kay Barbie na naghihiwa ng hotdog.

"Ang laking hotdog naman niyan. Jumbo." Humagikhik ako.

Tiningnan ako ng masama ni Barbie.

"Ang berde mo talaga kahit kailan Xylca. Manyak mo."

"Uy, wala naman akong sinasabi, nagconclude ka na agad. Ano nga sabi ang lulutuin niyo?"

"Spaghetti."

Sumimangot ako.

"Na naman? Spaghetti din niluto niyo noong isang araw, e."

"Edi wag kang kumain."

Tinampal ko ang kamay ni Barbie.

"Ang sama talaga ng ugali mo sa akin. Kaya ka hindi nagkakajowa e. Kaya ka hindi masagot-sagot ni Kay."

"Sasagutin rin ako nun. Bad trip lang talaga ang kuya niyang unggoy. Panira ng diskarte."

Tinapos nito ang paghihiwa ng hotdog at kinuha ang cheese para i-grate.

"Baka kasi kayo talaga ang nakalaan para sa isa't isa. Ganda ng story niyo pag nagkataon, no. Bayaw mo na ang nililigawan mo dati. Ang sagwa."

"Hindi mangyayari iyan kasi sasagutin na ako ni Kay."

Ngumisi ito.

Pumalatak ako.

"Sheki, di ba noong isang taon pa niya sinasabi iyan? Bat hanggang ngayon, di pa rin to sinasagot? Mali ata pagkakairi sa iyo ng mama mo, e."

Walang tugon ang babae. Nakatungangang patuloy na hinalo lang nito ang pasta.

"Basta. Malakas ang kutob ko na sasagutin na ako ni Kay. Konting tulak na lang talaga ang kulang."

Ipinaikot ko ang mga mata.

"Ilusyunada talaga. Paano ka naman kasi sasagutin kung talong ang gusto niya? Pareho kayong may mani e kaya wala ka talagang pag-asa doon."

Ibinato niya sa akin ang balat ng hotdog.

"Baliw!"

Sinalo ko ang balat at itinapon sa basurahan sa gilid ng mesa.

"Iyan ang totoo bruha. Sabi ng isa kong kaibigan na may babae ring karelasyon, hindi daw siya makontento sa kamay at finger finger lang. Ayaw niya rin sa sex toys. She wants the real thing daw."

Namula ang mukha ni Barbie.

"Bibig mo, Xylca. Hindi rin naman lahat ng pumapasok sa same sex relationship ay ganiyan lang ang hanap. Yung iba, they are after with the person and the feelings."

"Tama ka naman. Side lang naman iyon ng kaibigan ko baka kasi parehas sila ng iniisip ni Kay. Di ba? Natanong mo na ba kasi siya kung pumapatol siya sa bisexual? Baka straight iyon bes."

Natahimik si Barbie. Nanlaki ang mga mata ko, nagulat sa napagtanto.

"Di ka man lang nagtanong? Nanligaw ka agad? Aba, hindi ka talaga sasagutin niyan, no."

May sasabihin pa sana ako pero nahinto nang umilaw ang cellphone sa mesa. Dinampot ko ito at ini-unlock. May nag-message sa akin na unknown account sa dating app. Kunot ang noong binasa ko ito.

Good day. I'm Charles' wife. I'm begging you to stop talking with my husband, please. We have a nine-year old child and I'm expecting a baby. Search my I* Celine Brooks if you want to see the truth.

"The fuck," mahinang mura ko.

Dali daling binuksan ko ang I* at sinearch ang pangalan ng babae. Tama nga ito. Hindi siya nagsisinungaling nang sabihin niyang asawa niya si Charles. May mga pictures nila sa wedding, sa hospital at sa mismong bahay nila kasama ang kanilang anak.

"Yuck," nasambit ko nang mapagtantong nakikipaglandian ako all this time sa may-asawang lalaki.

"Bakit?" takang nilapitan ako ni Barbie at nakiusyuso.

"Sino iyan?"

Huminga ako ng malalim at kinontrol ang galit na umuusbong sa loob.

"Asawa ni Charles. Langya iyong afam na iyon, may asawa at anak pala tapos nangangalantari pa. Malas ko lang dahil ako pa ang nasaktuhan. Gago talaga."

"Woah. Tapos anong gagawin mo?"

"Hello? Di naman na ako masyadong tanga ngayon no. After ni Chris wala naman talaga akong naging seryoso na afam. Hihiwalayan ko na ang mokong na iyon! Akala niya siguro okay lang tong ginagawa niya dahil malayo naman. Considered pa rin na cheating to. Kahit in an open relationship kami, ibang usapan na kung may pamilyang involved."

Tumayo ako at pumunta sa sala. Umupo ako sa sahig at isinandal ang ulo sa sofa. Binalikan ko uli ang account ng babae.

"Ang lapad ng ngiti pero manloloko naman. Akala mo mahal na mahal ang asawa. Hays, mga lalaki."

Umukilkil sa utak ko ang sinabi ni Pierce.

"Pucha, di talaga ako maniniwala sa mga pinagsasabi mo, kuya."

Nireplayan ko ang babae.

Hi, thank you for informing me. I'm sorry. I am also a victim. I thought he's single. Rest assured that I will not talk to him anymore. Will block him. I also thought you don't deserve a guy like him. Thank you.

Sunod kong pinadalhan ng message si Charles.

Hey, your wife told me you're cheating on her back. Screw you motherfucking piece of asshole! Putangina mo! Before I blocked you, let me say thank you for the money you wasted on me. I enjoyed it. Bye. My middle finger salutes you.

Matapos i-block si Charles ay tumayo ako at bumalik sa kusina. Nagluluto na ng sauce si Barbie samantalang si Sheki ay mukhang nakabalik na sa mundo.

"Tapos na?" tanong ni Barbie habang patuloy sa paglalagay ng cream sa kawali.

"Pang-ilan na ba iyan for this year?" si Sheki.

"Pangalawa. Sanay na akong nakakatanggap ng mga ganiyang mensahe."

Umupo ako sa silya at nilaro ang hawak na cellphone.

"Part of the experience."

"Ang tindi talaga ng sikmura mo no. Di ka man lang nasaktan. Di man lang umiyak."

Nilingon ko si Barbie.

"Patigasan lang iyan. Laro ang hinahanap nila kaya pagbigyan. Sa huli, mas lamang ako dahil ako ang nagkakapera."

"Iba talaga ang modern hero ng Pinas. Mababayaran mo na ang utang ng bansa natin, bruha. Galing ng marketing strategy mo!"

"So apat na lang ang natira?" si Sheki.

"Yup pero may balak akong magdagdag ng isa. Collect and select ang motto natin sa buhay."

Nagkamot lang ng ulo si Sheki. Alam niyang hindi ko siya pakikinggan kahit ano pa ang sabihin niya sa akin.

"Bahala ka na nga sa buhay mo. Malaki ka na."

Tumayo ito bitbit ang plato ng pasta.

Umayos ako ng upo at kinutingting ang cellphone. Nang may maalala ay pumihit ako.

"Barbs."

"O?"

"Di ba kaibigan mo halos lahat ng mga tricycle drivers sa school?"

"Oo, bakit?"

"Ahm, may napansin ka bang bagong mukha? May nakita kasi akong bagong salta noong isang linggo."

"Alam ko na kung sino ang tinutukoy mo. Gwapo no?" Bahagya niya akong nilingon mula sa hinahalong spaghetti.

"Ang lakas talaga ng radar mo ano. Oo, gwapo siya. Bakit di mo man lang ako nasabihan na meron palang fafa diyan ha."

"Alam kong hindi ka magiging interesado." Nagpatuloy ito sa paghahalo.

"Ha? Bakit?"

"Kasi wala siyang pera."

Napangiwi ako.

"Bat ang galing mong humula?"

"Ay magaling ba? Kilala na kasi kita. Bat ka nagtatanong tungkol kay Pierce? Trip mo?"

Tumawa ako.

"Baka baliktad. Ako yata ang trip niya. Wagas kung magpapansin sa akin e. Stalker sa gabi tapos may pa walk with me walk with me pa na nalalaman."

"Mabait iyang si Pierce. Bagong salta sa pasetoda. Nakakausap ko nga minsan kapag maaga akong umuuwi. Mukhang problemado. Galing ata sa broken family."

"Ah. In fairness ang gwapo niya ha. Bentang-benta ang ganiyang mukha sa mga sugar mommy at beki. Gusto ko sanang alukin ng trabaho kaso baka tumanggi."

Pinatunog nito ang dila sa loob ng bibig.

"Wag na. Matino iyong tao."

Hindi na ako kumibo at nagkibit-balikat na lang. Pero hindi ko maalis ang umahong kuryusidad sa lalaki.