Chapter Two

Putok na ang gabi kaya naman dagsa na talaga ang mga tao sa bar. Pasado alas-nuebe na ng gabi kaya pa-roon, pa-rito na ang mga serbidor ng bar. Halos sunod-sunod na nagsisdatingan ang mga gustong magsaya at mga taong gustong makalimot.

Napa-iling nalang si Nyx. Bakit kaya may mga taong gustong makalimot at ang sulosyon nila ay pumunta ng bar at magpakalasing? Sinawalang bahala na lang niya ang katanungan sa isip. Hanggang utak niya lang iyon. 

Ang sabi sa kanya ng kaibigan, sobrang sikat daw talaga ang tinaguriang bar. Kilala daw ito at may iba't- ibang branches sa loob at labas ng bansa. Wow, as in wow. Sobrang nakakamangha. Napakayaman na siguro nang may-ari ng bar.

May isang lalake ang nagtaas ng kamay at tinawag siya. Isa lang ang ibig sabihin nito, mag-oorder iyon.

Nang makalapit siya, bigla siyang kinilabutan sa tinging iginagawad nito sa kanya. Isang pekeng ngiti ang ibinigay niya sa lalake. 

"What can I do for you, Sir?" tanong niya dito. Namutawi ang isang nakakasurang ngiti sa labi ng lalake. Hindi niya gusto ang pamamaraan ng ngiti at titig nito.

Tiningnan nito ang kanyang mga kasama na pawang may ngisi sa mga labi nila. Ibinalik nito ang tingin sa kanya. Peste, hindi niya gusto ang tingin ng lalaking ito. 

"Sir, are you going to order?" tanong niya ulit.

"Oh, yes. 3 bottles of whiskey." sagot nito. Hindi mawala-wala ang malagkit na tingin ng lalake sa kanya. 

Magalang siyang nagpaalam sa mga ito pagkatapos niyang siguraduhin ang mga order nito. Bago siya maka-alis ng tuluyan, narinig niya pang may sumipol at nagtawanan ang mga ito. Napa-ikot nalang niya ang kanyang mata. Bwesit naman oh!

Malapit na siya sa bar counter ng mamataan niya si Ma'am Lanie doon. Nakatingin lamang ito sa kanya hanggang sa pakalapit siya sa kinaroroonan nito. 

"Nyx, mabuti nalang ay nandito ka na. May costumer bang umorder?" tanong nito.

"Yes, Ma'am." sagot niya sabay turo sa kina-uupuan ng mga kalalakihang hindi niya gusto ang tingin na ibinibigay nito para sa kanya. 

Tumango-tango naman ang kausap. Binigay niya kay Kevin ang order ng mga kalalakihang iyon. 

"Here Nyx. Serve this to the VIP room #5. Kay Stella ko nalang ipapaserve ang mga order ng mga kalalakihang iyon. And mind you Nyx, I don't like the stares of those scumbag on you. Nakakabastos. So, ihatid mo ito sa VIP room." utos sa kanya ni Ma'am Lanie.

Pinasalamatan niya ang manager sa kanyang utak. Mukhang nahalata nito ang tingin ng mga lalaking iyon. 

Kinuha na niya iyong order at naglakad na sa ikalawang palapag at hinanap ang room number 5. Nang mahanap niya 'yon ay kumatok siya ng tatlong beses para maiparating na may tao sa labas.

Bubuksan na sana niya ang pinto ng bigla itong bumukas. Dala siguro ng pagkabigla, hindi kaagad siya nakahuma para makapasok sa loob.

Lalake ang nagbukas ng pinto. Tumingla siya dahil sa taglay na tangkad ng lalake. Matangkad na siya pero mas matangkad ang lalakeng kaharap niya. 

Ang una niyang napansin ay ang mga kulay abong mga mata nito. Malamig iyon at nakakatunaw ang bawat titig nito. Pangalawa ay ang matangos na ilong nito. Bigla tuloy siyang na-concious sa ilong niya. Pangatlo ay ang panga nito. Para bang inukit ito ng isang iskulptor. Masyadong perpekto. Panghuli ay mapupulang labi nito. Hindi pa yata nalalapatan ng sigarilyo iyon. Halata namang wala iyong liptint o kung anong produktong pang labi. Kung baga natural lang ang mga labi nito.

Bumalik siya sa huwesyo nang may tumikhim sa likuran ng lalake. Isa ding alagad ni Adonis.

"Iyan na ba ang inorder namin?" tanong nito.

"Yes, Sir" sagot niya dito.

"Is that so? Come on, get inside." naka- ngiting pa-anyaya nito.

Pumasok siya sa loob at nabigla siya nang mamataan ang higit kumulang sampong kalahi ni Adan. Kung susumahin niya, nasa labing-lima ang nasa loob ng kwartong iyon. 

Tama! Labing-limang nag-gwagwapuhang kalahi ni Adan.

Inilapag na niya ang mga order nito. Pulutan ata nila, sisig kasi. Sabagay, masarap talagang pulutan ang sisig.

Magpapaalam na sana siya nang biglang magsalita ang lalakeng may bughaw na mga mata.

"Are you the new server?" tanong nito sa kanya.

"Yes ,Sir." magalang niyang sagot. Tumango tango naman iyong lalake.

"I'm Lucas Rove Sanford and the owner of this bar. And you are?"

"Nyx Artemis Oliveros po, Sir. Pero Nyx nalang po." pakilala niya rito.

"How old are you?" tanong naman nang lalakeng katabi ni Sir Lucas.

"25 na po, Sir." sagot niya kaagad.

Jusko, ano ba ito? Question and answer portion. Nako naman. Hindi siya sanay sa ganito.

Pero Lucas Rove Sanford pala ang pangalan ng Big Boss nila. Hindi niya kasi naitanong kay Kim o sa Ma'am Lanie niya, kung ano ang pangalan ng boss nila.

Napa-ayos siya ng tayo nang may nagtanong ulit.

"So Nyx, do you have a boyfriend?" tanong ng lalakeng naka-upo sa pinakadulo. 

"Wala pa po, Sir. Hindi pa po pumapasok sa isip ko ang pagnonobyo." nakangiti niyang sagot. Nakaka-ilang man ay sinagot niya na lang ito.

"That's good to here." Dumako ang kanyang paningin sa lalakeng nagsalita. Siya iyong nagbukas ng pinto.

At hayon na naman ang mga mata ng lalaki. Para ka talagang malulunod.

Nakipagtitigan siya dito. Ayaw niyang magpatalo. Pero bigla siyang napakurap- kurap nang bigla itong ngumisi. Pakshet naman!

Biglang naglakbay ang kanyang isip at inisip ng maigi kung saan niya ba nakita ang ngising iyon. Napasinghap siya ng matandaan niya na.

Jolly Moly!!! Siya iyon.

Iyong lalaki kagabi na nakatitigan niya. Bakit niya ba nakalimutan iyon. 

Jusko naman, Nyx!

Napa-iwas siya tingin dahil hindi na niya nakayanan ang tinging ibinibigay nito. Nakakapaso na kasi. Tumingin siya sa gawi ni Lucas at tinanong kung may kailangan pa sila. Nang masiguradong wala na itong mga kailangan, dagli-dagli siyang lumabas sa kwartong iyon. Hindi na niya nakayanan ang atmospera sa loob. Masyadong mainit. Nakakapaso.

Nang tuluyan na siyang makalabas, pinakawalan niya ang hiningang kanina pa niya pinipigilan. Inayos niya ang kanyang sarili at umalis roon na para bang walang nangyare.

Hindi niya mapigilang alalahanin ang mga titig nang isang kaibigan ng Sir Lucas niya. Iyong titig na pwede ka ng malusaw. Ang mga titig na nakakapanglumo ng tuhod.

Iyong tingin sa kanya kanina, para siyang kakainin ng buhay. Mukha ba siyang pagkain, at gan 'on nalang ang titig nito? Hindi naman siya masarap at mas lalong wala siyang lasa dahil hindi naman siya pagkain.

Napa-iling na lang siya sa mga pinag-iisip niya.

Bumaba na siya sa ikalawang palapag ng bar at hinanap nang paningin niya ang kanyang manager. Kailangan nitong magpaliwanag, dahil hindi nito sinabi na ang boss nila ang pagseserbihan niya at kung bakit ganoon ang titig ng isang kaibigan ng Sir Lucas nila.

Nakita niya ito sa bar counter, na kung saan ay pinag-iwanan niya kanina.

Nilapitan niya ito.

"Anong nangyari sayo at bakit ka nakasimangot?" takang tanong nito.

"Ma'am Lanie, bakit hindi niyo po sinabi sa akin na si Sir Lucas at ang mga kaibigan niya ang nandoon sa VIP room 5?" maktol niyang tanong dito.

"Sorry Nyx, nakalimutan kong sabihin sayo na sila Sir Lucas pala ang nandoon. Nawala sa isip ko kanina. Bakit, may ginawa ba sila sayo? Mabait naman si Sir Lucas pati na rin ang mga kaibigan niya." paliwanag nito. 

"Alam ko pong mabait sila kahit hindi kita sa mga mukha nila pero Ma'am Lanie dapat sinabi niyo po sa 'kin para prepared ako." nakasimangot niyang saad. For sure mukha na siyang pato dahil sa panunulis ng nguso niya. 

Natawa naman si Lanie sa kanya. May nakakatawa ba? 

"Sige, sa susunod ay sasabihin ko na sa 'yo. Nakalimutan ko lang talaga kanina dahil na rin sa dami ng iniisip ko." Tumango-tango naman siya bilang tugon.

Lumipas ang ilang oras ay naging busy na siya sa pagseserve, gan 'on din ang kanyang mga kasamahan.

Pagod siyang umupo sa mono-block chair na nasa loob ng locker room. May roon silang 30 minutes na break time kaya makakapagpahinga siya.

Nakakapagod. Kailangan niyang makipag-plastikan at pakisamahan ng maayos ang mga costumer, kahit ang iba ay gusto na niyang sakalin.

Napalingon siya sa pinto ng bigla iyong bumukas at pumasok doon ang kaibigan na nakasimangot.

"Anong nangyari sa 'yo?" tanong niya dito. Mukha kasi itong pinagbagsakan ng langit at lupa dahil sa itsura nito.

"May costumer kasing bitchesa kanina, naiinis ako sa kakaarte nito doon sa jowa niyang mukhang siopao. Keso, bakit daw ang init dito, keso, bakit daw ito tumitingin sa ibang babae. Gusto ko na ngang pagsabihan na 'mukha ka kasing pusit kaya sa iba na nakatingin'. Kung hindi lang ako matatanggal sa trabaho, baka nasabi ko na iyon." mahabang paliwanag nito. 

Natawa naman siya. Halata sa itsura nang kaibigan na naiinis na ito doon sa babae. Hindi naman takaw-gulo ang kaibigan, sadyang maiksi lang ang pisi ng pagtitimpi nito. Naalala nga niya noong bago lang sila sa Maynila, may mga lalaking binastos siya, si Kim ang tumulong sa kanya. Kaya naman, malaki ang respeto niya sa kaibigan. Sobrang laki.

Natapos ang 30 minutes na madami silang pinag-usapan. Simula ng lumipat sila dito sa Kamaynilaan hanggang sa buhay nila ngayon. Nag-ayos muna sila bago tuluyang lumabas ng locker room.

Nasa kalagitnaan siya ng pagseserve nang may mataan siya sa isang sulok ng bar. Dalawang taong naghahalikan. nakapikit ang dalawa nilang mga mata habang ang mga kamay naman ng lalake ay malayang naglalakbay sa katawan ng babae. Ang damit ng babae ay kumikinang sa tuwing natatamaan ng malilikot na ilaw ng bar; maiksi ito at halos nakikita ang kanyang kaluluwa. 

Mahabaging diyosa! Napaiwas siya ng tingin at napapikit. Ang mga mata niyang birhen, nabahiran ng kulay pink! Inaasahan niyang may ganitong eksena ang madadatnan niya kapag nagtatrabaho siya rito. Hindi siya. sanay...hindi siya kailanman masasanay.

Pamilyar sa kanya ang lalake. Para bang nakita na niya ito sa kung saan. Inisip niyang maligo kung saan ba niya nakita ang lalake.

Napasinghap siya nang makilala ang lalakeng iyon.

Jolly Molly, siya iyong isa sa mga kaibigan ng Sir Lucas niya.

Tumalikod na siya dahil hindi na niya kaya ang eksenang iyon, isa pa hindi naman siya chismosa.

Maglalakad na sana siya ng bigla siyang tumama sa isang pader. Teka, kailan pa nagkaroon ng pader sa kinatatayuan niya kanina?

No, hindi ito pader batay sa amoy nito. Mabango ito at amoy panglalake ang pabango. Napalunok siya ng mapagtanto ang hinala.

Ang una niyang nakita ay ang maskuladong dibdib ng lalake. Iniangat niya ang kanyang tingin at sumalubong sa kanya ang kulay abong mga mata. Biglang nanlaki ang kanyang mata ng salubungin niya ang titig ng lalake. Malamig pa rin iyon. 

Isa sa mga kaibigan ng Sir Lucas niya ang nabunggo niya, much worst ay iyong lalakeng may kulay abong mga mata.

Biglang nag-init ang kanyang mga pisngi at para siyang binuhusan ng malamig na tubig.

Nang mahuma na niya ang sarili ay mabilis siyang humingi ng patawad at kaagarang umalis doon. Pero hindi pa siya nakaka-alis ng tuluyan ay narinig niyang nagsalita ang lalake na ikinalaki ng kanyang mga mata.

"Enjoying the live kissing show?"

Shit! Ang gaga niya. Nakita pala siya nitong inuusisa ang nakita niya kanina.

Biglang nanlaki ang kanyang mga mata ng marinig ang anunsiyo nito.