Chapter 194: Confusing Actions.

=Aria Maeve Sienna’s Point Of View=

Naalimpungatan ako na ramdam ang pangangalay ng aking hita. Nang magmulat ay wala na si Enzo sa aking tabi.

Nagtataka naman akong lumabas ng kwarto niya, ngunit tanging umagahan lang ang naabutan ko.

‘Hindi niya ako ginising na lang?’

Dahil doon ay gumayak ako, inaantok pa nga akong umalis ng condo ni Enzo. Baka may pasok pala siya.

Sobrang lasing niya yata kagabi, kung alalahanin ko ang mga sinabi niya ay hindi ko wari kung seryoso ba siya sa sinabi niya o nagbibiro.

‘Gusto niyang angkinin ako ng walang pagpapanggap?’

Pumasok ako sa klase ko at hinayaan ang sarili kong maging abala sa mga subjects ko. Nang matapos ay lumabas na ako ng classroom pero natigilan ako nang makita si Marco.

“M-Marco, nandito ka pala..”

“Yeah, are you free?” Huminga ako ng malalim at tumango na lang.

‘Hindi naman na ako galit sa kanya..’

He took me out to a fancy restaurant, “Order ka lang, libre ko..” nahihiyang sabi niya kaya matipid akong ngumiti.