Chapter 171: The Case Enzo Will Play.

=Aria Maeve Sienna’s Point Of View=

Pagkababa ko ay hinahanap na ako ng mga police officer, at agad nilang nakilala si Enzo. “Attorney.. Nandito ho pala kayo,” bati nila.

“Good afternoon,” bati ni Enzo.

“Anong pakay niyo?”

“Hinahanap po namin si Ms. Aria Maeve Delgado? Inireklamo po siya ng isang citizen, bugbog sarado po yung dalaga at mukhang magsasampa po ng kaso,” aniya ng pulis kaya naman hinarap ko sila at nagmukhang kawawa sa harapan nila.

Nagulat sila ng makita ako. “Sumama na lang po kayo sa prisinto for questioning ma’am,” magalang na sabi ng pulisya.

“You can go, Aria. I’ll just call my mom to look for Tita Shobe and I’ll be there,” mahinahon na sabi ni Enzo at tinanguhan ako.

Sumama ako sa mga pulis, isinakay nila ako sa sasakyan. Pagkarating doon ay dalawang pulis ang nasa likuran ko at nasa harap ko si Cristina.

“Sinaktan niya ako at wala akong kalaban-laban! May abogado rin akong kinuha!” galit niyang sigaw habang nasa tabi niya ang abogado.

“Walang kal