KABANATA 75: Mangmang

Sarah

Saglit akong natigilan sa anunsiyo kung sino ang mga bisita ko. Pare-parehas na nakatingin sa akin sina Amir, Grandpa Mitchell at ilang helpers na naroon sa dining area. Sa oras na ito, si Philip ang kahuli-hulihang tao na gusto kong makita.

Niloko niya ako! Tama si Jakob, idadagdag ko lang si Philip sa problema ko. Hindi rin naman siya ang taong magbibigay sa akin ng ikalawang tiyansa para magmahal muli.

"What is that moron doing here?" nang-aakusa ang tanong sa akin ni Amir, at naintindihan ko kaagad na ang tinutukoy niya ay si Philip.

Habang iniisip ko ang parehong katanungan, sumagot ako, "Hindi ko alam."

Posibleng may ideya naman talaga si Philip sa pagkatao ko, at nagpapanggap lang siya na wala siyang alam para kunin muli ang loob ko.

Naningkit ang mata ni Grandpa Mitchell. "Ha! So, your wretched ex-husband dares to come all the way here uninvited... You know better than to entertain his foolishness, Sarah. I expected resilience and wisdom from you as a Mitchell!"