KABANATA 30: Di-inaasahang Tungkulin

Sarah

Mukha ni Josh ang nasilayan ng dalawang mata ko nang magkamalay ako. Naroon na ako sa kama at napuna ko ang heringgilya na inalis niya sa braso ko. Wala nang laman iyon.

“Anong itinurok mo sa akin?” natatakot kong tanong.

“It’s a sedative to calm you down.”

Naroon si Alex sa likuran niya at seryoso ang tingin sa amin.

“Isinakripisyo ko ang trabaho ko para iligtas ka. Huwag mo sana akong pag-isipan nang masama,” ani Josh.

“Ayos ka lang ba, Madam Sarah?” tanong ni Assistant Alex na hindi nakatiis sa pananahimik.

“Iwan mo kami ni Josh!” hiling ko kay Alex, ngunit diretso ang tingin sa bodyguard ni Philip.

Nabigla ang assistant sa narinig. “Hindi ko pwedeng gawin iyon! Mananagot ako kay Boss Philip!”

Inilipat ko ang tingin kay Assistant Alex.

“Damn you, Alex! Inilagay ni Philip sa problema ang buhay ko ngayon-ngayon lang at pagkatapos ay malakas pa ang loob mo na sabihin ‘yan sa akin! Wala na akong relasyon kay Philip! Wala akong pakialam sa iisipin niya o kung ano man