Chapter 28

Pagkarating nila ng dorm ay agarang nag-shower siya at nang lumabas siya ng kuwarto pagkatapos magpalit ay nakangiting hinila siya ni Gemma papuntang komedor. May mga pagkain nang nakahain sa mesa at hula niya ay takeout lahat. Naupo siya sa silya at naglagay ng kanin sa pinggan niya bago sinulyapan si Gemma na nakatayo sa tabi niya. Nakahanda na para gawin kung ano mang iuutos niya.

Naasiwang napakurap siya at itinuro ang silya. "Huwag kang tumayo diyan. Samahan mo akong kumain. Wala naman ang Boss mo na nakakakita sa'yo," wika niya. "Hindi kita isusumbong, promise!"

"Kumain na ako bago kami pumarito ni kuya Caspian dito," tanggi nito pero naupo pa rin sa silya at nangalumbaba.

Napatango siya at nagsimulang kumain. Hindi niya alam kung saan nila in-order itong pagkain pero nagustuhan niya ang lasa. Pagkatapos niyang kumain ay inayos ni Gemma ang pinagkainan niya. Kahit anong pilit niyang siya na ang maghuhugas ay ayaw nito at itinulak na siya pabalik sa kuwarto niya.

Ito na ang unang