CHAPTER 3.1

PRECY'S POINT OF VIEW

PAGKABABA ko sa tricycle ay agad akong nagtungo sa kuwarto. Malamig na simoy ng hangin at tahimik na umaga lamang ang tanging nararamdaman ko.

Pagpasok ko ay nadatnan kong bukas pala ang electricfan at ilaw ko kaya agad ko itong pinatay.

Ibinaba ko na ang mga gamit ko maging ang aking bag at sandals bago ako nagtungo sa banyo upang magshower. Hudyat na sana akong maglalakad ngunit pagkahakbang ko ng kaliwa kong paa ay may naapakan akong isang kagamitan na dahilan ng pagkatapilok ko. Masakit sa talampakan dahil tila bakal ang naapakan ko.

Dali-dali kong tiningnan ang bagay na iyon at nagulat ako nang makita ko ito.

Kanino kaya ito? Susi?

Kanino kaya itong susing ito?

Nagtataka ako kung bakit may susi dito. Hindi ko alam kung susi ito ng aparador o susi ng pintuan.

Matagal ko itong binusisi at tinitigan kung saang susi ito ginagamit.

Kanina ay wala pa naman ito. Nag-ayos naman ako ng higaan kanina bago ako umalis kaya lahat ng mga gamit ko ay naayos na.

Kaninang pag-alis ko wala ito.

Sa pagkakaalam ko lang ay naiwan kong nakabukas ang electricfan at ilaw nang umalis ako. Maging ang Pintuan ay nakabukas din.

Sunud-sunod ang naging mga katanungan ko sa isip ko na dala na rin ng pagka-alala ko.

Naging mabilis ang pintig ng puso ko. Kinalabutan din ako dahil sa buong akala ko ay safe dito sa bago kong apartment, mayroon palang akyat bahay na hindi ko nalalaman.

Tinitigan ko ng maigi ang susi. May tatak itong Honda. Naghinala ako at iisa lamang ang taong ito.

Kung susi ito ng motorsiklo Malamang ang nagmamay-ari nito ay si………"

Dali-dali akong lumabas kahit hindi pa ako nakakapagpalit. Mabilis akong nagtungo sa kuwarto ni Victor kahit walang tsinelas at kahit alas-tres na ng madaling araw.

Tug tug

"Victor? Victor?", Mahinahon kong boses habang kinakatok ang kanyang pinto.

Mga ilang segundo muna ang nakalipas bago niya ito binuksan ang pintuan.

"Ano na naman Precy?Pwede ba. Pagod ako at maaga pa akong magigising bukas. Alas-tres na ng madaling araw o. Pwede bang ipagpabukas mo na lang yan? " Aniya sa akin ng diridiretso.

Paglabas niya ay nakaboxer shorts lamang siya at walang pang itaas.

Pinigilan ko muna ang sarili kong magalit na kahit naiinis na ako sa kaniya.

Eh kasi naman. Siya lang naman ang nagmamay-ari ng motorsiklo dito sa boarding at wala ng iba.

Sa'yo ba to?" Sabay taas ng susing hawak ko.

Pagkataas ko ng susi ay kasabay rin ng kaniyang pagkagulat.

"Akin yan ah. Saan mo ito nakuha? Paano napunta sa iyo ito", Tanong niya sa akin ng sunud-sunod sabay hablot sa susing hawak hawak ko.

Siguro hinahanap niya yun. Kung makahablot akala mo whole day siya naghanap at ngayon niya lang nakita.

" Tinatanong mo kung paano napunta yan sa akin? Bakit hindi ako ang magtanong yan sa iyo? Bakit napunta sa kuwarto ko 'yan? Sa pagkakaalam ko kagagaling mo lang kanina sa Vulcanizing shop at ginamit mo pa iyang motorsiklo mo upang makauwi dito sa boarding? Ibig sabihin nasa sa'yo pa iyan bago kapa nakauwi dito at bago pa mawala.Alangan namang naglakad yan papuntang kuwarto ko o alangan namang kinuha ko . As if namang alam kong magdrive ng motorsiklo",hindi na ako nakapagpigil kaya natalakan ko nanaman siya.

" O siya siya. Matutulog na ako. Bukas na lang natin yan pag-usapan. Matutulog na ako at matulog ka na rin dahil may trabaho pa ako bukas. Naiintindihan mo?", Pahilis niyang sagot sa akin sabay sara ng pinto.

Hindi ako nakapagpigil kaya kinalampag ko muli ang kanyang pinto ng malakas. Wala na akong pakialam kung magising pa ang mga kapitbahay.

Hindi pa rin niya binubuksan kaya muli ko itong kinalampag sabay sigaw sa pangalan niya.

"Hindi mo ba ito bubuksan o sisirain ko ang itong pintuan mo?" Pananakot ko sa kaniya.

Hindi siya nakapagpigil at binuksan niya nga ito.

"Ano ako tanga at hindi ko alam ang nangyayari? Siguro pumasok ka sa kuwarto ko no? Anong ginawa mo dun? Ano ang kailangan mo bakit ka pumasok sa kuwarto ko? Sagot!", Sigaw ko sa kanya.

At nabulabog yata si Aling Suping dahilan ng pagkaalimpungatan niya.

"Ano ba iyan nakakaistorbo kayo ng kapitbahay. Natutulog na ang tao eh. Kung ayaw ninyong matulog,magpatulog kayo!" Aniya.

Hindi ko na pinansin si Aling Suping at binalikan ko ng tingin si Victor.

"Ano?" Pabulong kong tanong muli sa kaniya.

At hindi pa siya sumasagot.Hindi ako nakapagpigil at sinigawan ko ulit siya.

"Ano?!",sigaw ko sa kanya.

"Ano!ano!ano! Anong ginagawa mo sa kuwarto ko? Anong kinuha mo sa kuwarto ko", sigaw ko kay Victor ng malapitan sa kanyang mukha.

Wala na akong pakialam kung ano pa ang sasabihin ni Aling Suping dahil di ko na mapigilan ang sarili ko.

Nagulat ako nang hawakan niya ang mukha ko at bigla niya akong hinalikan. Napatigil ako sa kakasigaw. Mahigpit ang pagkakahawak niya sa akin kaya hindi ko agad-agad natanggal ito.

Mas labis ang pagkagulat ko nang mas idiniin niya ang paglapat niya sa kaniyang labi sa labi ko. Hindi na ako makapaniwala sa nangyayari. Halos magpalitan at mag-unahan na kami sa paghinga. Naamoy ko na lahat ng hagod ng kamay at katawan niya. Maging ang pabango nito ay amoy na amoy ko na.

Ngunit sa bawat dampi niya sa bibig ko ay hindi ko na lamang namamalayan na sumasabay at gumaganti na pala ako sa kanya.

Mga ilang minuto rin ang itinagal nito bago niya pinaghiwalay ang aming mga labi. Malakas siya kaya hindi ko natanggal ang pagkakahalik niya sa akin.

Shocks! He is such a good kisser!

Magaling palang makipaghalikan ang mokong na ito.Malambot ang labi at Mukhang sanay na sanay sa pakikipag halikan.

"Oh ano, natahimik ka? Paminsan minsan bawas bawasan mo rin ang pagkabungangera mo. Yan tuloy. Nakakuha ka ng katapat mo.Aayaw ayaw ka tapos kakasa ka rin pala", sabay sara niya ng kaniyang pintuan.

Hindi ako nakapagsalita matapos niyang sambitin lahat ng iyon. Hindi lang ako makapaniwala na agad-agad niyang magagawa sa akin iyon.

Nakatayo pa rin ako dito sa tapat ng pintuan niya habang hawak ang bibig ko kahit sinaraduhan na niya ako.

Pumasok na lamang ako sa kuwarto ko nang patayin niya ang kaniyang ilaw.

Agad-agad akong nagtungo sa kuwarto ko na hawak pa rin ang bibig ko.

Matapos kong mag-shower ay hindi pa rin matanggal tanggal sa isipan ko ang nangyari. Na kahit anong gawin kong pambabalewala o di kaya'y paglimot ay 'di pa rin ito nabubura. Hanggang sa nakatulog na lang ako.

NAGISING ko sa umaga pasado alas-siyete na ng umaga. Agad akong lumabas sabay sulyap sa kabilang kuwarto. Sa kuwarto ni Victor. Wala na si Victor doon dahil mag aalas-otso na ng umaga. Nakasara na ang kaniyang pinto at wala na rin ang kaniyang motorsiklo.

Bakit ko ba siya hinahanap?

UPANG malibang ay naglinis ako sa kuwarto. Nag-ayos ng mga gamit at nagdamo sa harapan ng apartment. Habang naglilinis ako ay tumunog ang aking telepono.

Si Tanya tumatawag.

" Hello besh, nandito ako ngayon sa may plasa. May gusto ka ba? Bibilhan kita at pagkatapos kong mamili ay didiretso ako diyan. Pupunta ako ngayon diyan para sabay na tayo papuntang trabaho. Anong gusto mo?", Tanong niya sa akin na labis niya namang ikinagulat ang sagot ko.

"Victor", sagot ko.

"Ano?", Tanong niya sa akin na parang lahat na ng tao sa plasa ang nakarinig.

"Ah a aa ang sabi ko eh chicharon. Matagal na kasi akong hindi nakakakain ng chicharon", palusot kong sagot sa kanya.

"Oh sige bibili ako. Hintayin mo na lang ako diyan. Bye", aniya sa akin sabay paalam.

Ipinagpatuloy ko ang paglilinis at pagfloorwax. Maging sa koridor ng apartment ay nilinisan ko na rin para maging presentable.

Makalipas ang ilang minuto ay nandiyan na nga si Tanya. May mga dala-dalang makakain. Na parang lahat ng snacks sa grocery ay nabili na niya.

"Ano ba iyan Besh. Parang lahat na ng tinda sa grocery binili mo na. At parang kalahati na ng sweldo mo ito ah. Baka wala ka nanamang ipinadala sa Pamilya mo ah. Hindi na nga ako nagyayang gumimik dahil madaming bayarin eh. Tapos ito gasto ka ng gasto", payo ko sa kaniy.

"Ano ka ba Besh. Relax ako lang ito. Basta masaya ako sa ginagawa ko. Okay lang. Atsaka hindi naman nasasayang ito ah. And ,correction, tapos na ako nakapagpadala kila Inay ng gagastusin nila sa bahay. At infairness nakabili na si Inay ng Washing machine niya. Para naman hindi na siya napapagod kakukusot ng madaming labahan", paliwanag naman niya.

"Correct", pagsang-ayon ko naman sa kanya.

Iniwan muna ni Tanya ang pinamili niya sa labas ng boarding upang tulungan ako sa pagdadamo. Habang kami ay nagdadamo ay paparating si Victor. Mag-aalas diyes na siguro nang dumating siya.

Aba napaaga yata itong lalaking to?

" Hi Tanya",dinig kong bati niya kay Tanya na siya namang hindi paglingon sa kaniya.

Nagtanungan sila saglit at agad na ring nagpaalam si Victor sa kaniya.

Pagkatapos naming magdamo ay tinulungan ko na rin siyang magbuhat sa mga pinamili niya at sabay na kaming pumasok sa loob ng kuwarto ko.

Habang kumakain kami ni Tanya ay panay ang lingon ko sa labas. Hindi ko alam kung bakit inaabangan ko kung sino ang lalakad o hindi kaya'y kung sino ang dumarating.

Hindi ko ba alam kung bakit ako ganito ngayon. Hindi ko alam kung na papraning ako o dulot nito ng nangyari kagabi. Hayyyy naku!

I need nebulizer.

Kung ganoon,

Ganoon ba siya kakamandag?

Ganoon ba talaga ang feelings ng mahalikan?

Gosh my first kissed got harassed.

Justice please.