Chapter 6 Her Evidence and Arguments

Kinabukasan ay nakisabay si Carina kay Dina para pumunta siya sa opisina ng manager nila sa restaurant. Habang papalabas na sila ay nakatingin sa kanya ang mga Pilipina din na kapitbahay nila. Nahihiya ako sa kanila kaya nakayuko na lamang ako habang naglalakad kami papunta sa may eskinita para sumakay ng taxi.

“Hayaan muna sila Carina, mawawala din ang issue na iyan kailangan mo lang magpakatatag.” Sabi ni Dina.

“Hindi ko maiwasan na mag alala para sa sarili ko kasi wala naman akong kasalanan at hindi ko naman ginawa iyon. Naiinis lang ako sa manager natin kasi kung kailan may nahanap na akong trabaho para makaalis sa restaurant na iyon para di ko na siya makita ay ito pa ang ginawa niya sa akin. Hindi naman siya ganyan dati pero bakit ang tao nagbabago.” Sabi ni Carina.

“Matagal na sigurong may gusto sa iyo ang manager natin kaya noong humingi ka nang pabor sa kanya ay nagtake advantage siya.” 

“Grabe naman siya, di ba bawal sa mga employer na magkagusto sa isang empleyado. Talagang m*****g lang siya kaya ganoon.”

“Haist! Naku Carina, huwag ka nang masyadong mag isip baka ikaw lang din ang magkakasakit niyan.”

“Hindi ako mapakali eh! Kaya kokomprontahin ko siya sa ginawa niya sa akin wala naman ibang gagawa sa akin nito kundi siya lang naman.” Naiinis na sabi ni Carina.

Nakarating na nga sila sa restaurant. Agad si Carina nagtungo sa opisina ng kanilang manager. Kumatok siya sa may pinto walang sumagot at nang tinanong niya ang isa nilang kasamahan ay sinabi na nasa loob lang ang manager nila. Nag attempt siyang buksan ang pinto at nagulat siya ng masilip niyang isa sa mga kasamahan nila sa trabaho ang nandoon sa opisina ng manager nila may ginagawa silang kababalaghan.

Nakita niyang nakapatong ang babae sa manager nila habang nakaupo at naghalikan sila, kilala niya ang babae dahil sa katrabaho niya ito. Biglang tumaas ang dugo niya, kung asawa lang niya ang manager nila baka sumugod na siya at sinabunutan ang babae. Nagkaroon naman siya ng idea, kinuha niya ang phone niya. Nagpicture siya at nagvideo, walang alam ang manager niya at ng babae. Naging mautak din siya, para kung ano man ang mangyari ay may panlaban siya.

Nakita niyang tumayo na ang babae at paalis na ito. Dali-dali naman siyang naglakad kunwari papunta kay Dina. Nang mapansin niyang nakalabas na ang babae ay nagtungo siya doon at kumatok uli. Narinig na iyon nang manager nila pumasok siya.

“What are you doing here?”

“Sir, gusto ko lang itanong kung kayo po ba ang nagpakalat ng issue na trending ngayon sa social media at sa newspapers?”

“Ano bang pinagsasabi mo? Wala akong alam sa mga sinasabi mo. At isa pa ako lang ba ang kaaway mo bakit ako ang pinagbibintingan mo. May proof ka ba na ako ang nag utos sa mga journalist na isulat iyon?” Depensa ng kanilang manager.

“Bakit po? Dapat po ba akong magduda at maniwalang kayo ang may gawa nun? Bakit masyado kayong defensive nagtatanong lang naman ako.” Sagot naman ni Carina.

“Wala kang proof na ako ang may gawa noon kaya huwag mo akong idamay sa kahibangan mo.” Naiinis na sagot ni Leo.

“Alam mo ba ang naidulot sa akin ng issue na iyon? Alam mo sa sarili mo na hindi ko magagawa iyon. Kaya nga kita tinanggihan kasi hindi kaya ng konsensya ko ang manloko at manlamang ng tao. Oo, manager kita nirerespeto kita pero hindi po makatarungan ang ginagawa ninyong pagpapakalat ng fake news. Sinira niyo po ang reputasyon ko, alam ko naman na hindi ka aamin pero alam mo din sa sarili mo na ikaw ang may gawa nun.” Halos maluha-luha na si Carina sa mga sinabi niya dahil naghalo-halo na ang galit at takot sa puso niya.

“Tumahimik ka na umalis ka sa opisina ko. Baka gusto mong ipadampot pa kita sa guard.”

“Hindi na po kailangan sir, kusa akong aalis. Pero ito po tatandaan ninyo sir. Pagsisihan niyo po ang ginawa ninyo sa akin.”

“Tinatakot mo ba ako? Ikaw pa talaga ang may ganang manakot sa akin. Sino ka ba ha?! Isa ka lang naman hampaslupa na nagtatrabaho dito sa ibang bansa para may maipakain sa pamilya sa Pilipinas.” 

“Iniinsulto niyo po ba ang pagkatao ko sir, sabihin mo na ang lahat ng panlalait pero huwag mong idamay ang pamilya ko. Dahil marangal akong nagtatrabaho dito. Hindi gaya ng iba diyan kahit may pamilya na sa Pilipinas ay nakukuha pa rin na manloko dito sa ibang bansa.” Buwelta naman ni Carina.

“Pinaparinggan mo ba ako?”

“May sinabi ba akong pangalan? Bakit po napaka defensive ninyo, guilty po ba kayo?”

“Talagang ginagalit mo ako Carina, lumabas ka na sa opisina ko kung hindi ay ipapadampot na kita sa guard at nang makalayas ka na dito.” Galit na galit na ang manager niya.

“Okay fine, aalis na ako. Magkakaroon din nang hustisya ang lahat ng ginawa mo sa akin. Darating ang araw makakarma ka din.” Sabay alis ni Carina.

Na high blood naman ang manager niya dahil hindi niya akalain na ganoon pala katapang si Carina. 

Habang nabunutan naman ng tinik sa puso si Carina nang mailabas niya ang kung ano man ang gusto niyang sabihin sa kanyang manager at ang sakit na nararamdaman niya sa kanyang puso.

~~~~~

Ilang araw nalang at babalik na uli si Loid sa London. Nakatanggap naman siya ng tawag mula sa pinsan niya sa London.

“Hello cousin, how are you?”

“Ito okay lang Pia, kayo diyan kumusta?”

“Okay lang din, ah siyanga pala sasabay na pala sina uncle at auntie sa akin diyan, babalik kasi ako diyan.” Sabi ni Loid.

“Oh! Talaga? That’s good. Ah! May nabalitaan pala ako dito at kalat na kalat dito sa lugar. Kilala mo iyong babae sa restaurant na nakaalitan ni Lizel, iyong natapunan siya ng juice sa damit niya?”

“Ah! Si Carina? Yes, kilala ko siya. Kasi palagi nila akong customer doon. Bakit ba anong tungkol sa kanya?”

“Alam mo bang kalat ang mukha at pangalan niya dito na issue kasi siya na tumanggap daw siya ng pera mula sa manager niya kapalit ng isang gabi na magkasama sila para daw may maipadala siya sa pamilya niya sa Pilipinas.” Kwento ni Pia.

“Ano?! Sigurado ka ba sa balitang iyan? Baka naman fake news iyan.” Gulat na sabi ni Loid.

“Hindi ko rin sure eh! Pero kawawa naman iyong babae kung hindi nga totoo ang news na iyon talagang napahiya siya ng husto.” Sabi ni Pia.

Natahimik naman si Loid. Nag alala siya kay Carina dahil naniniwala siyang hindi iyon magagawa ni Carina. Alam niya na siya ang nagpahiram ng pera sa kanya kaya naman at gusto na niyang madaliin ang araw para makapunta na uli siya sa London. Para ma comfort niya si Carina alam niyang kailangan niya ng karamay ngayon.

Tumawag nalang siya kay Carina.

“Hello Carina, how are you?”

“Oh! Okay lang po sir Loid, napatawag po kayo.”

“Oo, nag alala ako sa iyo.”

“Okay lang naman po ako.” Biglang naisip ni Carina na baka nalaman na ni Loid ang tungkol sa issue na kumalat sa lugar nila.

“Sigurado ka ba? Baka may gusto kang sabihin sa akin.”

“Ah! Wala naman po sir, okay lang po talaga ako. Salamat po sa tawag ninyo at sa pangungumusta. Ibaba ko na po ang telepono may gagawin pa po ako.” Paalam ni Carina.

“Ah! Ganoon ba! Busy ka pala, pasensiya ka na kung nadisturbo man kita.” Malungkot na sabi ni Carina.

Nahalata ni Loid ang boses ni Carina na malungkot ito. Gusto niyang yakapin si Carina pero malayo ito. Kaya tiniis na lamang niya iyon, hindi niya maipaliwanag ang nararamdaman niya na parang nahuhulog na siya kay Carina. Napabuntong hininga na lamang siya at malalim ang iniisip niya subra siyang nag alala kay Carina.

~~~~~

Makalipas ang ilang araw ay medyo gumaan na ang pakiramdam ni Carina, nakapasok na rin siya ng bagong trabaho at sa isang restaurant din. Hindi pa niya kilala ang bago niyang employer pero sabi ng secretary nito na paparating na daw ang boss nila nawala lang ito ng ilang araw dahil sa nagbakasyon ito sa ibang bansa at kararating lang niya.

Sa pangalawang araw niya sa trabaho ay tinawag siya ng secretary para kausapin daw siya ng may-ari ng restaurant. Malakas ang kabog ng dibdib niya, kinakabahan siya na para bang may kakaibang mangyayari. Kumatok siya sa pinto at narinig naman niya ang boses ng isang lalaki na nagsabing pumasok na siya. Nang nakapasok na siya ay nakita niyang nakaupo ang lalaki at nakatalikod ito patingin sa may labas ng building.

“Good morning sir, ako nga pala si Carina ang bagong empleyado ninyo.”

Dahan-dahan na humarap ang lalaki. Natulala naman siya nang makita niya ang lalaki, napakagwapo ng lalaki at mukhang mabait naman ito. Nakangiti ito sa kanya sabay salita.

“Oh! Good morning, maupo ka muna. Ah! So, ikaw iyong bagong empleyado. Nakita ko sa resume mo na may two years experience ka na sa restaurant and I’m glad to know that because kailangan ko talaga ng empleyado na may experience sa restaurant.” 

“Salamat po sir, I will do my best po na makaserve sa customer ng maayos at ma satisfy sila.” Nakangiting sabi ni Carina.

“That’s nice to hear from you. And by the way I would like you to introduce yourself before me.” Sabi ng owner.

“Oh! Sorry po sir, I forgot to introduce myself. I am Carina Chavez, 25 years old. I have two siblings. I myself was considered to be the bread winner of the family since my dad passed away two years ago and I am the one who will provide my family needs lalo na po wala nang katuwang ang mom ko. Nasa Pilipinas po sila, nagbabakasali naman po ako na magkaroon ng maayos na trabaho dito sa ibang bansa at pinalad naman pong makapagtrabaho dito. Oh! Pasensiya na po sir, medyo mahaba ata ang introduction ko.” Sabi ni Carina.

“Oh! It’s fine, I like your introduction and very interesting. And yeah, I am Marco Buenaventura, you can call me sir Marc or sir Marco anything you want. Hopefully, you will enjoy working here in my restaurant and if you need anything you can approach me.” Sabi ni Marco.

“Thank you for being so nice sir.”

“Your welcome. You can go to work now and nice meeting you.”

Umalis na si Carina napangiti siya habang papunt sa kusina. Nakadama siya ng kapanatagan nang makausap niya ang may-ari ng restaurant at siya na ring manager nila. Nabalitaan naman niya sa ibang mga staff na mabait daw talaga ang employer nila at hindi daw madamot magbigay ng mga incentives kaya naman mas lalong ginaganahan siyang magtrabaho.

Masaya niyang ibinalita kay Dina ang bago niyang workplace at kung paano siya wini welcome ng mga katrabaho niya lalo na ang makilala niya ang kanyang bagong employer.

~~~~~

Naunang nakauwi ng bahay si Carina na halos ilang minuto lang ang pagitan ay dumating naman si Dina.

“Friend, kumusta sa bagong work place mo? Excited na akong magkwento ka nabitin kasi ako sa mga sinabi mo kanina hindi ako kontento.” Nakangiting sabi ni Dina.

“Okay lang naman Dina, mas okay ako sa bagong trabaho ko. And guess what? Ang pogi ng bago kung manager, subrang bait pa.” 

“Talaga?! Ang swerte mo naman. Nakikita ko nga sa mukha mo na mas prefer mong magtrabaho ngayon kesa noon. And I am happy for you. By the way, naitanong mo ba kung single pa siya?” natatawang sabi ni Dina.

“Grabe siya oh! Masyado naman atang personal ang tanong na iyan. Hindi anuh! Nakakahiya naman kung ganoon parang close na kami. Alam mo naman ang relasyon ng empleyado at employer di ba, pure business lang.” sagot ni Carina.

“Opps! Sorry, pasensiya na excited lang akong malaman baka kasi puwede mo akong e reto sa kanya. Haha!”

“Baliw ka talaga, disperada lang?! Darating din ang tamang tao para sa iyo kaya maghintay ka lang.”

“Ano ka ba Carina? Baka magmenopause nalang ako hindi ko pa makikita ang prince charming ko. Ewan ko ba bakit ang hirap niyang hagilapin, hindi naman ako pangit di ba?” sabi ni Dina.

“Oo naman, ang ganda mo nga. Pero hayaan muna, kusang darating iyan sa tamang panahon. Ako nga inaantay ko lang magkakaroon ng himala. Haha!”

“Mas matindi ka pa pala kesa sa akin Carina. Haha! Sige na nga kakain na tayo baka gutom lang ito puro na tayo illusyon.” Sabi ni Dina.

Ano ang magiging papel ni Marco sa buhay ni Carina?