Naglalakad na ako ngayon palabas ng Seth Corporation. Hindi ko alam kung paano ako mabilis na nakapunta rito. Basta alam ko masakit at mabigat ang d*bdib ko sa mga oras na ito. Patuloy pa rin ang mga alaala naming dalawa na pumapasok sa isip ko. Tuloy-tuloy, para bang walang pahinga. Kaya naman ako na mismo ang napapagod na. Flashback Nakaupo ako sa isang upuan. Nakapalibot kami sa isang malaking lamesa. Hindi ko alam kung paano nangyari ang bagay na ito, samantalang biglaan lang naman ang pagpunta namin ni Michael dito. "Maligayang kaarawan, anak!" pagbati ni mommy bago siya umupo sa aking tabi. "Salamat po, Mommy," nakangiting sabi ko bago ko siya mahigpit na niyakap. "Matapos ang nangyari dati sa daddy mo, at sa pamilya natin, 'di na natin na-ce-celebrate ang kahit kaninong birthday. Kaya masaya ako na nagkaroon ng pagkakataon na ma-celebrate natin ang araw na 'to," sabi niya sa akin. Tumango naman ako bilang pagsang-ayon. Dahil totoo naman, ni-hindi ko na nga napapansin na t
Mabagal akong naglalakad pauwi sa bahay namin. Kagaya nitong mga nakaraang araw ay wala ako sa huwisyo. Akala ko kasi kaya ko, pero no'ng nandoon na ako, halos hindi ako makagalaw. Napatingin ako sa langit. Kaya ko ba talaga? Flashback Nanatili akong nakaupo sa upuan kung nasaan kami kanina nag-usap ni Mommy. Napatingin pa ako sa kalangitan bago ako napabuntong hininga. "That was deep," narinig kong sabi ng isang pamilyar na boses. Mabilis ko naman kaagad siyang tinignan. Nakatayo ngayon sa tabi ng upuan na inuupuan ko si Michael habang may dala-dalang dalawang baso. Hindi naman ako sumagot, tanging pag-ngiti lamang ang ginawa ko. "May I?" biglang tanong niya bago tumingin sa tabi ko at bago niya ibalik ang kanyang paningin sa akin. Tumango naman ako bago ako umusog ng pagkakaupo para siya ay makaupo. Hindi na siya sumagot pa, umupo na lamang siya ng diretso. Hindi ako umimik. Inilibot ko lang ang aking paningin sa paligid. Nanatili muna kaming tahimik na pareho. Hawak ko lan
Patuloy lang ako sa paglalakad ngunit mabilis akong napatingin sa aking likod nang makahalata ako ng kakaiba. Mabilis na tumibok ang puso ko. Ganitong ganito ang kaba na naramdaman ko nang unang beses kong makita ang tunay na si Michael. Flashback Naglalakad kami ngayong dalawa ni Michael sa isang koridor papunta sa kwarto na nirentahan niya para sa aming dalawa. Pareho kaming walang kibo at walang kahit anong sinasabi sa isa't-isa. Magmula kasi nang ihatid namin sila mommy sa kwarto nila ay pareho na kaming walang kibo, kahit tinginan sa isa't isa ay hindi na namin ginawa pa. Wala na rin sina Redenn at Tyron dahil umalis na sila at nagpaalam na bababa raw muna sila ulit para pumunta sa beach club. Gusto ko sanang i-open ang mga naging pag-uusap namin kanina pero mas pinili ko na lamang na itikom pa ang bibig ko. Sa totoo lang, kanina pa ako na-a-amaze sa ganda ng apartell na 'to. Hindi ko alam kung ano ang eksatong tawag dito pero maganda rito, napaghahalataang mahal ang renta
Mabilis ang tibok ng puso ko habang pinakikiramdaman ang paligid. Hindi na bago sa akin ang ganitong pakiramdam, dahil noong kasama ko si Michael ay madalas ko itong maramdaman. Kinagat ko ang pang ibaba kong labi at mabilis na humakbang. Flashback Nanatili akong nakayakap kay Michael. Hindi ko alam kung ilang minuto na kaming ganito, wala naman akong naramdaman na pagtutol mula sa kanya. "A-anong nangyari?" tanong ko bago ako humiwalay sa kanya ng pagkakayakap. Nakita ko naman na hinuli niya ang mga mata ko bago siya nagsalita. "Aren't you afraid?" biglang tanong niya. Natahimik naman ako. Pakiramdam ko isa 'yong sapak sa akin. "B-bakit naman ako matatakot?" kinakabahang tanong ko. Nakita ko namang napalingon si Michael sa gawi ng mga lalaking malamig ng nakahandusay sa kama. "Aren't you afraid?" ulit na tanong niya sa akin. Hindi naman ako nakapagsalita. Nanatili kami sa mga posisyon naming dalawa. Hindi ko alam kung bakit hindi ako natatakot. Hindi ko rin alam kung bakit n
Patuloy sa panginginig ang mga kamay ko. Alam ko kaya kong protektahan ang sarili ko. Kaya ko ring protektahan sila mommy pero ang tanong ay kung hanggang saan ko kaya? Wala akong kahit anong bagay na maaaring magamit para gawin kong weapon. Kinagat ko ang pang ibaba kong labi. At naiinis ako sa sarili ko, dahil walang ibang bagay ang tumatakbo sa isip ko kung hindi ang mga alaala namin. Kinagat ko ang pang ibaba kong labi at marahan na tumingin sa likod ko. Nakahinga naman ako ng maluwag nang makita kong wala na ang lalaki kanina. Naaalala ko no'ng mga panahong hindi pa ako gaano nagtitiwala kay Michael dahil natatakot ako sa tunay niyang intensyon. Flashback Nakaupo ako ngayon dito sa office ni Michael. Wala si Michael dito, hindi ko alam kung nasaan siya. Matapos nang nangyari kanina ay hindi ko na siya nakita pa. Kaya nga ako pumunta rito ay para makita siya. Gusto kong makausap si Michael. Gusto ko siyang makita. Napabuntong hininga ako bago ko kinuha ang cellphone kong n
Nagpatuloy lang ako sa paglalakad pero hindi ko inalis ang pagbabantay ko sa paligid. Baka kasi may bigla na lang sumalubong sa akin dito ay may gawing masama. Napahinga naman ako ng malalalim nang isang alaala ang biglang pumasok sa isip ko. Flashback Nakatayo ako ngayon sa tapat ng kwarto ni Michael habang nag-iisip nang maaari kong sabihin. Hindi ko alam kung bakit gusto kong humingi sa kanya ng pasensya. Pero para saan nga ba? "Michael?" pagtawag ko sa kanyang pangalan bago ko hinawakan ang doorknob ng kanyang pinto. Kanina pa ako nakauwi rito sa bahay niya. Matapos namin mag-usap ni Mommy ay kaagad akong umalis ng bahay. Nagulat na nga lang ako nang makita ko sina Redenn at Tyron hindi kalayuan sa bahay. Inutusan daw kasi sila ni Michael na hintayin akong umuwi ng bahay. Malalim akong napabuntong hininga bago ako muling tumingin sa pinto na ngayon ay nasa aking harapan. No'ng huling beses na pumunta ako rito ay iba ang natunghayan ko, at ayaw ko na muling maulit ang bagay
Papasok na ako ng bahay nang mapansin ko na may kakaiba sa paligid. Mabilis na napakunot ang aking noo. Hindi ko rin alam kung bakit biglang tumibok ng mabilis ang aking puso. Kinagat ko naman ang pang ibaba kong labi. Akma ko na sanang bubuksan ang pinto nang biglang tumunog ang cellphone ko na nasa bulsa ng suot kong pantalon. Nanginginig ang mga kamay kong kinuha iyon. Natatakot ako na baka kung sino ito. Hanggang ngayon ay may epekto pa rin sa akin ang ginawang pag-kidnap sa akin noon. Nagdadalawang isip ako na sagutin ang tawag ngunit biglang pumasok sa alaala ko ang huling beses na nagdalawang isip ako. Flashback Tulala akong nakaupo ngayon dito sa table ko sa opisina ni Michael. Ang mga sinabi sa akin ni Redenn ay paulit ulit kong naririnig mula sa magkabila kong tenga. Hindi ko pa nakikita ang babaeng tinutukoy ni Redenn, pero may hinala ako na siya ang babaeng kausap ni Michael nitong nakaraan na narinig ko at si Mommy mismo ang nakakita. Napahinga ako ng malalim. Baki
Nanginginig ang mga kamay na sinagot ko ang tawag. Hindi ko alam kung ano ang dapat na maramdaman. Pakiramdam ko kasi nagka-trauma a ako sa ganitong bagay. Kapag may tumatawag sa akin ay nagkakaroon ako ng matinding takot. Natatakot ako, dahil noon nang mga tumawag kay daddy ay may nangyaring hindi maganda sa kanya. Gano'n din sa akin bago ako ma-kidnap. Flashback Kasalukuyan kaming nakasakay ngayon sa sasakyan namin. Si Mommy ay busy sa pagpapatahan kay Ranie na umiiyak dahil ayaw pa niyang umuwi ng bahay. "Daddy," pagtawag ko kay daddy habang patuloy siya sa pagmamaneho. Nakaupo ako sa passenger seat katabi ni daddy. Dapat si Mommy ang nakaupo rito ngayon pero hindi niya kasi mapatigil sa pag-iyak si Ranie. Buntis ngayon si Mommy sa lalaki at bunso naming kapatid. Pagkagaling namin sa hospital para ipa-check up si Mommy ay pumunta kaming mall para mamasyal. Alam ko nga ay hindi pa dapat kami uuwi pero biglang nagbago ang isip ni Daddy. "Daddy," pagtawag ko ulit sa kanya. Hi