Chapter 215

Katatapos lang nang exam ko kaya naman ngayon ay papunta na ako sa Seth Corporation. Suot ko pa rin ang uniform ko pero sure na talaga akong pupunta ako ngayon sa kompanya. Wala nang makakapigil sa akin.

Napahinga ako ng malalim nang isa na namang alaala ang pumasok sa isip ko.

Flashback

Iminulat ko ng marahan ang aking mga mata. Mabagal ko ring hinawakan ang aking ulo nang muli ko na namang naramdaman ang matinding pagkahilo.

Tinignan ko ang paligid, habang sapo-sapo pa rin ang aking ulo.

"Nasaan ako?" tanong ko sa sarili ko habang tinitignan ang paligid ko.

Nakahiga ako ngayon sa isang malaking kama. Nasa loob ako ng isang kwarto. Kwarto na ang tanging makikita mo ay kulay asul, at kulay itim na mga gamit.

"Nasaan ba ako?" tanong ko muli habang marahan akong tumatayo.

Ang huling naaalala ko lang ay kasama kong naglalakad si Michael kanina. Tanging naaalala ko lang ay sabay kaming sumakay sa elevator papunta sa kung saan. Nahimatay ba ako? Nakatulog?

Mabagal akong tumayo mula