Chapter 1

I can’t believe this…

     Mabilis na inisa-isa ni Yuan ang laman ng malaking baul sa kaniyang harapan. Iniwan sa kaniya iyon ni Sebastian, isa sa mga pinakamatalik niyang kaibigan mula pa pagkabata. Namulatan nilang lima na si Lola Paz ang tagapag-alaga nila. Ang akala nila noon ay totoong lola nila ito, pero nagtaka sila kung bakit hindi raw sila magkakapatid o magpipinsan na lima.

     Nalaman nila noong iniwan sila ni Lola Paz kay Doña Leonora. Later on, they all found out that all of their mothers used to work for a strip joint Lola Paz owned. Ipinagkatiwala silang magkakaibigan ni Lola Paz sa pilantropong si Doña Leonora nang malaman nitong may taning na ang buhay nito.

     Wala siyang sama ng loob kay Lola Paz. Ni minsan ay hindi siya nagalit dito sa kaalamang dito nagtrabaho ang kaniyang ina. Wala rin siyang sama ng loob sa kaniyang ina, bagaman may punto sa buhay niya na parang nahiya siya sa katotohanang isa itong kalapating mababa ang lipad. Marahil, lahat ng tulad niya ay makakadama rin ng ganoon.

     But he was way past that stage already. Ang mga hinaing niya sa buhay ay nawala na nang tumanda na siya at nagkaedad. Siyempre, hindi niya maaaring dibdibin ang mga bagay na hindi niya hawak. That would be foolish.

     And so he grew up in Doña Leonora’s care. Nakapag-aral siya, nabigyan ng magandang buhay. Sino ang mag-aakalang ang isang batang nabuo sa Subic mula sa isang Amerikano daw na ama at isang inang mababa ang lipad ay isa na ngayong multimilyornaryo? Yes, he was a multimillionaire. Marami siyang negosyo na pinangangasiwaan. And he was proud of what he had become.

     Holy shit… Sebastian really worked on this thing…

     Parang nabuhay ang kaniyang dugo sa nakikita niya. Sa loob ng baul ay naroon ang lahat ng kakailanganin ng isang treasure hunter upang matagpuan ang kayamanang nanakaw mahigit labinlimang taon na ang nakararaan. Kung tama ang pagkakatanda niya ay limampung milyones ang halaga ng diyamanteng nanakaw noon. Ngayon ay tiyak na times fives na ang halaga niyon o higit pa.

     Noong nasa piling pa silang magkakaibigan ni Lola Paz ay nabalita pa sa TV ang pagkawala ng mga diyamante ng isang alaherang Intsik. Ninakaw iyon ng isang hindi nakilalang lalaking sakay lamang ng isang motorsiklo. Ngunit naaksidente ito. Ang motor ay natagpuan malapit sa paanan ng bundok ng isang lalaking nangunguha ng kabuteng pangkain. At iyon na ang huling natandaan niya tungkol sa bagay na iyon.

     But Sebastian did his research. An impressive one! Bakit hindi? Lahat ay detalyado. At heto na nga iyon. Ang lahat ng news clippings na may kinalaman o posibleng may kinalaman sa pangyayari ay nasaliksik nito. Lumalabas sa mga nasaliksik nito, bagaman isang bagay na hindi sigurado, ay nananatili pa rin sa isang bahagi ng bundok ang diyamante.

     Kompleto ang research ni Sebastian. Marahil, kung hindi lamang ito pumanaw ay ito mismo ang hahanap sa mga diyamante. But Sebastian died a month ago unfortunately. Ibinigay nito ang pangangalaga sa tatlong nobya nito sa tatlong kaibigan nila, habang ang impormasyong alam niyang hindi birong hanapin ay sa kaniya nito inihabilin, to his surprise.

     When they were much younger, they made a pact to find the diamonds. Siyempre, sa pagdaan ng panahon ay nalimot na nila iyon, maliban na lamang kay Sebastian. Sa dami ng ginagawa nito ay nakuha pa pala nitong magresearch ng tungkol doon. At hanga siya sa kaniyang kaibigan, sa dami ng nalaman nito tungkol sa bagay na iyon. Mag-isa lang nitong sinaliksik ang mga kaalaman tungkol sa nawawalang diyamante. Sayang nga lang at pumanaw agad ito, natitiyak niyang malapit na nitong matagpuan sana ang nasabing kayamanan. At dahil doon ay lalong sumidhi ang pananabik niyang matagpuan ang mga iyon bilang tribute sa kaniyang kaibigan na nagpakahirap na matunton iyon sa tagal ng panahon na iyon ay nawala.

     Ayon sa file na nasa baul ay inisa-isa ni Sebastian ang mga kilalang jewelry collectors sa Pilipinas para sa mga diyamante. Wala ang mga iyon sa mga collectors. The rare diamond was also missing, had been missing since. Mula rin sa research ni Sebastian ay tatlong lalaki ang pinaghihinalaan nitong magnanakaw. Ang unang dalawang larawan ay may sulat-kamay si Sebastian na: cleared. Ibig sabihin ay iisa na lamang ang posibleng nagnakaw ng mga diyamante, isang ex-military man na Jonel Nuezca ang pangalan.

     According to the files, that man never came back to his family when he left. It meant that he really could be the thief. And he could still be in the woods, dead, with the diamonds.

     “This is amazing,” nasambit niya. He was hyper now. Matagal na niyang hindi nadarama ang ganoong uri ng excitement. It was like being a kid again. Iyon ang klase ng high na hinahanap-hanap niya sa matagal na panahon.

     Sa ilang panahon na ngayon, pakiramdam niya ay may malaking puwang ang kaniyang buhay. It seemed like there was no challenge anymore. Ni wala siyang nagiging problema. He was healthy, he was wealthy, he was bored. Ang tanging challenge niya ang mai-date muli si Congresswoman Tiffany Amores, isang babaeng mailap sa kaniya. But this challenge was something else. This was going to be one heck of an adventure.

     Ilang buwan niyang pinag-aralan ang mga pagsasaliksik ni Sebastian at kinumpirma niya ang mga detalyeng naiwan pa nitong nakabukas. Mientras tumatakbo ang panahon at lumalalim ang imbestigasyon niya ay naiisip niyang marahil ay makikita pa niya ang diyamante. Malakas ang kutob niya na wala pang kahit sino ang nakakahanap roon. At isipin pa lamang na siya ang makakatagpo sa mga diyamante ay kakaibang excitement ang kaniyang nadarama.

     Hindi mahalaga sa kaniya ang halaga ng mga diyamante. Ang mahalaga lamang sa kaniya ay ang makita niya iyon at maibalik sa tunay na nagmamay-ari niyon. Kung mangyayari iyon ay labis siyang matutuwa. It would be awesome to find out about the mystery of the stolen diamonds.

     Tatlong na buwan mula nang maipasa sa kaniya ang baul ay naghanda siya para sa isang treasure hunt. He was so damned excited he found it hard to breathe.