The Other Woman of the CEO Chapter 95

Maya-maya pa’y natapos din ang pag-uusap ni Alona at ng kanyang business partner. Nagkatinginan sila ni Neil mula sa malayo, at sa isang iglap, siya ang lumapit. Agad niyang nakita ang tila pagkabigla sa mga mata ni Alona, ngunit ilang sandali lamang at napalitan ito ng isang malambing na ngiti.

"Neil," bati ni Alona, bahagyang kinakabahan.

“Alona,” sabi ni Neil habang bumungad ang matamis niyang ngiti. “Hindi kita akalain na makikita ko rito.”

“Kailangan kong dumalo. Napakahalaga ng gabing ito para sa Penelope Fashion,” sagot ni Alona, pilit na pinipigilan ang pagkabog ng kanyang dibdib.

“Napakaganda mo,” bulong ni Neil, at napalunok si Alona habang nakatitig sa malalim na mga mata nito.

Napalunok si Alona, pakiramdam niya ay bumalik siya sa mga panahong mahal na mahal niya si Neil, mga panahong siya lang ang laman ng kanyang puso. Ngunit alam niyang hindi na sila pareho ng dati, marami na ang nagbago.

"Salamat, Neil," sagot niya nang bahagyang nakayuko. "Mukhang ikaw rin ay nasa tam