The Other Woman of the CEO Chapter 135

Tila nakaramdam ng awa si Aling Gina sa kanya. Tahimik lamang siyang nakikinig, iniintindi ang bawat salitang may bigat ng pagsisisi. "Kung mahal mo siya, bakit hindi mo ipakita sa kanya? Ang isang tunay na pagmamahal ay hindi kailangan ng mga salita kundi ng gawa. Siguro nga nasaktan mo siya noon, Neil, pero hindi pa huli ang lahat."

Napatingin si Neil sa malayo, tila nababalot ng alaala at pangarap. "Pilit kong ipakita sa kanya, Aling Gina," aniyang may lungkot sa tinig, "pero kahit anong gawin ko, pakiramdam ko... mas lalo niya lang akong tinataboy. Mas lalo lang siyang lumalayo."

Lumapit si Aniego at mahigpit na hinawakan ang kanyang kamay, na tila nagbibigay-lakas sa kanya. Tumingin siya sa inosenteng mga mata ng bata na tila nagbigay sa kanya ng pag-asa.

Napatingin si Aling Gina kay Neil, at tinapik niya ang balikat nito. "Alam mo, anak, minsan ang mga babae, lalo na kapag nasaktan nang malalim, mahirap na talaga silang maniwala. Masakit ang magtiwala muli lalo na kung sa puso n