THE OTHER WOMAN OF THE CEO Chapter 13

Lumipas ang mga araw, at si Alona ay tila naging isang robot sa kanyang pang-araw-araw na buhay. Nakatuon ang isip niya sa trabaho, ginagawa ang lahat para takasan ang alaala ni Neil. Naging abala siya sa mga proyekto at campaign shoots, sinusubukang ilihis ang kanyang isip sa sakit na kanyang nararamdaman at napansin ni Alona ang kakaibang nararamdaman sa kanyang katawan. Madalas siyang makaramdam ng pagkahilo at pagod, ngunit hindi niya ito pinansin. Tila masyado siyang abala sa pag-iwas sa mga alaala ni Neil.

Hanggang sa isang araw, napansin niyang hindi dumarating ang kanyang buwanang dalaw. Agad siyang kinabahan. Nakatingin siya sa salamin, hawak ang kanyang tiyan, tila hindi makapaniwala sa posibleng nangyayari.

Kinuha niya ang isang pregnancy test, umaasang mali lang ang kanyang nararamdaman. Ngunit nang makita niya ang dalawang guhit sa test kit, halos bumagsak siya sa sahig.

Buntis siya.

Hindi niya napigilang maiyak. Hawak ang kanyang tiyan, naramdaman niyang may isang buhay