Chapter 24

Mataman lang akong nakatingin sa gawi nina Andrei at Jade na masayang kumakain. Sa sobrang focus nila sa isa't isa, ni hindi na nila namalayang pumasok kami ni Axel dito sa restaurant na kinakainan din nila.

Apat na table ang layo namin mula sa table nila. Mayroon ding couple na nakaupo sa dalawang table na namamagitan sa table namin at nina Andrei, kaya naman hindi kami mahahalata kung sakaling mapalingon sila sa amin.

"Are you okay?" Ni hindi ko na magawang tignan man lang si Axel kahit na nakailang tanong na siya sa akin no'n. Alam ko naman na concern lang siya sa akin at sa nararamdaman ko. Sino ba ang hindi? Eh pinsan niya lang naman ang nanggago sa akin.

And no... I'm not okay. Dapat ko bang ikatuwa na makita ang fiance kong masayang kumakain kasama ang kapatid ko? Sa bawat pagsubo nila ng pagkain sa isa't isa, sa bawat malalagkit na tinginan nila, sa bawat ngiti at paminsan-minsang paghawak nila sa kamay ng isa't isa... Dapat ko bang ikatuwa 'yon? Lahat ng 'yon ay hindi man lan