10 - Kiss Me

Napamura nang wala sa oras si Zyd nang sukahan siya ng babaeng mula sa kung saan ay biglang sumulpot at inangkin siyang fiance na nito. Hindi niya alam kung matatawa ba siya o mas lalong mabwesit dahil sa nalaman niloko na pala siya ni Kate kahit 8 years na sila at ikakasal na.

Fuck that woman! Galit niyang sinuntok ang manibela pero saglit lang 'yon dahil nagsasalita na ang babaeng katabi niya ngayon at nagsasalita na tulog. Nasusuka siya sa amoy ng suka nito at baka hindi rin niya mapigilan ang sikmura at magsuka rin siya. Mabilis niyang pinaalis ang sasakyan at sa huling pagkakataon, sinulyapan niya ang babaeng minsan niyang pinangarap na maiharap sa altar at makasama hanggang sa pagtanda.

Napakuyom siya ng kamao at walang salitang pinaandar ang sasakyan paalis. Hindi niya alam kung saan nakatira ang babaeng kilala niya sa pangalan Elhouette. Nagpasya siyang sa bahay niya mismo ito dalhin at may atraso pa ito sa kaniya.