Chapter 8.1 - In Trouble

Third Person's Point of View

Biglang tumahimik ang buong paligid nang mamatay ang ilaw, pati ang musikang nanggagaling sa speaker ay namatay din. Madilim man ngunit halata pa rin ang kaba sa mukha ni Mystica. Hindi tulad ng ibang mga estudyanteng naroon na nakangiti at mukhang excited pa sa mga susunod na mangyayari. 

"Ito na yata yung sinasabi nilang surprise ng seniors. Yearly daw may ganito," ani Vernon na katabi niya.

Narinig man ang sinabi ng binata ngunit hindi pa rin siya mapakali. Kanina pa lang ay ramdam niya na may nagbabadyang panganib. Hindi niya alam kung ano o kung bakit, malakas lang talaga ang kutob niya sa mga ganitong bagay. 

Sa kabilang banda, ang dalawang binatang si Maeve at Theodore naman ay mas naging alerto. Nang matapos makausap ang dating kaibigang si Amion, dali-daling pumasok sa loob ng pasilyo si Maeve upang ipaalam kay Theodore ang mga nalaman. 

Alam niya noon palang na si Mystica ang pakay ng mga ito ng