Chapter 6.2 - Animal Attack

"Ano? Paano ka napunta sa bahay nung lalakeng 'yon?" 

Kinuwento ko kay Vernon lahat ng naaalala ko. Isang araw na ang nakalipas magmula noong naganap ang Fiesta. Nag-panic ang mga tao nang malaman ang nangyari kay Jelo, anak ni Aling Rosa at sa guro namin noong highschool na si Sir Rafael. Agad din namang humupa ang balitang 'yon, agad na nakalimutan ng taong bayan. Ayon sa sinabi ng pulis, kagagawan daw ito ng mga tao sa karatig baryo. Pero para sa akin at base sa nakita ko, malabong paniwalaan ko 'yon. 

Narito kami ngayon at naglalakad patungo sa parking lot ng school. Kakatapos lang ng meeting ng bawat club para pag-usapan ang mga gagawin sa araw ng Acquaintance Party na magaganap sa biyernes. Hindi sana ako pupunta kaso napilit ako ng mga clubmates ko. Inaalala ko tuloy kung anong susuotin ko. 

"Hindi ko alam, Vern. Ang sabi niya, tinulungan niya raw ako dahil nakahandusay daw ako sa kalsada noong gabi ng Fiesta. Hindi ko ala