chapter 3

AN: Maraming salamat po sa mga nagbabasa na nito sana'y hindi kayo magsawa na abangan ang bawat update ko. Alam ko pong magugustuhan niyo ito. Pasensya na rin po kung matagal ang update medyo busy po kasi ako. ❤

-------------

"Anak, kailangan ba talaga nating lumipat doon sa bahay ng mga Del Fierro?"

Nilingon ko si mama habang inaayos ko sa bag ang ilang gamit na dadalhin ko sa mansyon.

"Ma, mas maganda na doon na tayo at isa pa bahay 'yon ni papa. May karapatan tayo saka para naman mas lalo ka pang gumaling na dahil maayos at maganda ang titirahan natin." Paliwanag ko kay mama.

"Sige nauunawaan kita." Sagot lang nito at muling pinagpatuloy ang pagliligpit.

"Dani, girl!"

Nakita ko si Keth kasama si Mean at mga nakaporma sila kaya naman napatawa ako.

"Let's go na, I'm ready na sa bagong valur niyo." Ngiting-ngiti na wika nito at nag-pose pa sa gilid ng pader namin. Nakamaong ito na short at medyo maluwag na t-shirt na black, may sling bag ito.

"Ewan ko sa'yo mukhang mas excited ka pa sa mama ko." Sagot at tumayo na ako matapos mailigpit ang lahat.

"Oo nga girl, excited na kami makita ang palasyo ni Danica Del Fierro." Umakting na wika naman ni, Mean.

Naiiling na lang ako at napapangiti si mama.

Nagpunta ako sa lababo upang mag-toothbrush ng lapitan ako nang dalawa.

"Bakla, ano kamusta pogi ba? Yummy ba siya?"

Natigil ako sa pagto-toothbrush ko at tiningnan ko itong dalawang kaibigan ko na naghihintay sa isasagot ko. Nagkibit balikat ako sa kanila.

"Ano ba 'yan, Dani dali sagutin mo na gwapo ba ang mapapangasawa mo?" Ulit na tanong naman ni Mean na halatang excited.

"Ayos lang." Sagot ko ng magmumog na ako.

"Ayos lang? So, hindi siya ganon kagwapo? Pero yummy ba siya?"

Biglang akong natigilan dahil sa sinabi ni Keth at naalala ang biglang pagdating ni Vross habang nasa hapagkainan sila ng araw na 'yon. Hindi naman siya manhid para hindi maramdaman ang lakas ng dating nito pero hindi niya 'yon pinahalata.

"Puwede ba, bakit ba 'yung lalaki na 'yon ang pinag-uusapan natin? Ang mabuti pa umalis na tayo." Wika ko na lang at mga nakasimangot silang dalawa habang nakasunod sa akin.

Sakay na kami ng taxi, mas pinili kong hindi na magpasundo dahil gusto kong pumunta sa mansyon na walang sundo. Matapos ang pagkikita namin ng pamilya ng mapapangasawa ko 'ay napag-usapan namin ang pagtira na namin sa bahay at syempre kasama ang mama ko. Sinama ko ang dalawang kaibigan ko dahil gusto raw nila makita ang bagong bahay na titirahan namin ni mama.

"Bakla, ang bongga ng valur niyo pang rich talaga. Ikaw na talaga  si Danica Del Fiero." Wika ni Keth habang manghang-mangha sa pagpasok namin sa malaking gate.

"Be, grabe hindi ako maka-move on. Ngayon lang ako tatapak sa ganito kaganda at kalaki na bahay." Sabi naman ni Mean habang umiikot ang mata sa paligid.

"Maligayang pagdating po, ma'am Del Fierro."

Natigilan kami lahat sa nagsalita, isang may kaedaran na babae at tatlong babae na parehong naka-uniform.

"Salamat." Sagot ko lang at naglapitan ang tatlong babae, kinuha ang mga dala namin.

"Dadalhin na po namin ito sa inyong kuwarto." Wika ng isa at naglakad na sila papasok sa loob ng pinto.

"Wow a, mala prinsesa lang peg." Pabulong na sabi ni, Keth.

"Ako nga pala si, Ms. De Vera ang mayordoma dito." Nakangiting wika nito sa amin.

"Magandang umaga sa'yo, ako ang mama ni, Danica. Salamat sa pagsalubong sa amin," nakangiting sabi ni mama.

"Tara na ma pasok na tayo sa loob." Sagot ko at hindi pinansin itong mayordoma.

"Ay taray girl a? Snob mo si mayordoma." Hagikgik ni Mean habang papasok kami sa loob.

"Hayaan mo siya." Wika ko at masayang nilibot ko ang mata ko dito sa loob.

Dinala ko muna si mama sa kuwarto nito dahil hindi siya puwedeng mapagod ng husto dahil kagagaling lang niya sa operasyon.

"Ngayon hindi na kayo mahihirapan pa ng mama mo, Dani."

Napatingin ako kay Mean at Keth na biglang naging seryoso ang mukha nito. Nandito kami banda sa may swimming pool. Humugot muna ako ng isang malalim na buntong hininga bago nagsalita.

"Tama kayo, ang dami na rin naming paghihirap. Ito sa isang iglap biglang mababago ang buhay namin, kaya nagpapasalamat ako sa inyong dalawa dahil nandiyan kayo lagi sa tabi ko." Naiiyak na wika ko at nag-group hug kaming tatlo.

"Oo naman bakla kahit m*****a ka love ka namin."

Nagtawanan kaming tatlo dahil talagang may ganon akong ugali, alam ko naman na hindi ako mabait talaga pero alam ko sa sarili ko na mabuting tao naman ako.

"Nandito ka na pala."

Naghiwalay kami bigla ng marinig ang boses at tiningnan itong si Clarita na talaga namang mukhang yayamin dahil sa magarang suot nito.

"Sandali dito ka rin ba nakatira?" Tanong ko dito.

"Yes, lalo pa at kailangan mo ang tulong ko." Kampante na sagot nito. "At sino naman sila?" Nakaangat ang kilay na tanong nito kila Keth at Mean.

"Mga kaibigan ko sila, sinama ko lang sila dito para alam nila kung saan kami nakatira ngayon.

"Ok, anyway. Kailangan niyong magkita ngayon ni Mr. Deogracia para  magpasukat ng wedding gown, susundoin ka niya dito kaya kailangan mo ng mag-ayos."

"Ngayon na? Kararating ko lang." Reklamo na sagot ko.

"Ipadadala ko sa kuwarto mo ang mga damit na pinamili ko." Sagot lang nito at tinalikuran na kami.

"Alam mo parang hindi ko feel ang babae na 'yon, ang plastik lang girl." Wika ni, Keth.

"Tama ka bakla, mukhang siya ang makakatapat mo dito Dani." Wika rin ni, Mean.

"Alam ko pero hindi siya uubra sa Danica Del Fierro." Nakataas ang kilay na sabi ko.

"Tama 'yan, kung mataray siya mas mataray ka dapat. Pero mas excited ako dahil magkikita kayo ulit ni mapapangasawa mo, talagang hindi kami papayag na hindi siya makita." Kinikilig na wika ni, Keth.

"Ikaw talaga kapag lalaki para kang may bulate sa tiyan hindi ka mapakali." Natatawang sabi ko. "Oo nga pala, may lakad ba kayo? Papabantayan ko sana si mama muna, kasi siya lang nandito." Sabi ko sa kanila.

"Oo naman diba, Mean? Alam mo naman dakilang tambay pa kami ngayon wala pang maipapaninda." Sabi ni bakla at muli nagyakapan kaming tatlo.

Umakyat na kami sa kuwarto ni mama at nagpaalam ako na aalis muna ako. Alam na rin naman ni mama dahil kinuwento ko na sa kanya ang lahat bago kami lumipat dito sa mansyon ng Del Fierro.

Matapos kong maligo ay nakita ko sa malaking kama ko ang ilang piraso na damit. At napalingon ako sa biglang pumasok.

"Ma'am, Danica. Pasensya na po, dinala ko lang po itong ilang sandals para pagpilian niyo. Lalabas na po ako." Wika nitong babae na sa tingin ko ay kasambahay dahil sa unifom nito.

Tumango lang ako dito at lumapit sa kama, pinagmasdan ko ang damit na at kung alin doon ang pipiliin ko. May fitted na pantalon na nag-iisa lang dito at ang ilan ay mga dress, pantalon ang napili ko at bigla kong naalala ang crop top ko na damit na kulay itim. Kahit mumurahin 'yon alam ko namang bagay na bagay 'yon sa akin.

Matapos kong isuot ang damit ay sinuot ko na ang medyo mababa na sandals. Humarap ako sa salamin at tiningnan ang sarili ko, napangiti ako dahil sa itsura ko.

Ano kaya magiging itsura ng mapapangasawa ko kung ganito ang ayos ng kasama niya? Labas ang pusod?

Natawa ako sa naisip ko at umikot flat naman ang bewang ko kaya malakas ang loob ko mag-crop top.

"Hala siya? Wow a, ang sexy lang." Natatawang puna ni Mean na pumasok dito.

"Bagay ba?" Nakangiting sabi ko at umikot pa ulit.

"Parang model lang a, may papusod si mayora. Ewan ko lang kung hindi uminit mata ng mapapangasawa mo diyan sa pusod mo." Natatawang sabi ni, Keth.

"Bahala siyang maglaway." Natatawang sagot ko.

"Mapapa sana all ka na lang talaga sa katawan ng babae na 'to." Ngiting wika ni Mean. Dahil sabi nila sa akin noon puwede raw akong maging model.

"Ma'am, Danica. Nandiyan po na si, Mr. Deogracia."

"Oh my god! Bakla dali dalian mo na diyan na si fafa Deogracia. Apelyido pa lang ang pogi na." Impit ang tiling sabi nito.

"Ok, sabihin mo sandali lang." Wika ko at muling tumingin sa salamin, naglagay ako ng pulang lipstick dahil paborito ko ito. Konting make up lang ang nilagay ko dahil baka mas gumanda ako.

Lumabas na ako at nagpaalam muna ako kay mama. Matapos 'yon ay naglakad na ako papunta sa hagdan, nasa kalahati na ako ng hagdan ng makita ang papasok na lalaki mula sa pinto. Natigilan ako nang huminto ito, naka sunglass ito kaya naman hindi ko nakita ang mata niya. Nakakulay silver ito na suit na nakabukas at panloob na kulay puti. Ang lakas ang dating niya habang nakatingin sa direksyon ko, hanggang sa inalis nito ang salamin na mas lalo nakadagdag lakas ng dating niya.

Nagsalubong ang mata namin, umiwas ako bigla dahil parang hindi ko malaman kung ano ang gagawin ko. Kinalma ko ang sarili ko.

Danica huwag mo sabihin na na-aattract ka sa kanya? Bakit hindi ba puwede? Bakit naman kasi may paganitong epek pa siya.

Umayos ako habang naglalakad pababa hangga sa nasa harapan ko na si, Vross. Hindi ako makatingin ng diretso sa kanya.

"Ano tara na? Saan ba tayo pupunta?" Kinakabahan na sabi ko at nauna akong maglakad, pero natigilan ako dahil hinawakan niya ako sa braso.

"Magpalit ka ng suot mo."

Napatingin ako sa kanya at hinawi ko ang kamay niya sa braso ko.

"Magpalit? Ano bang mali sa suot ko? Ito ang gusto ko kaya wala kang pakialam, sabi mo walang pakialamanan." Inis na sagot ko, pero ginawa nito sinuot ulit ang salamin niya at naunang maglakad sa akin.

Aba't? Tingnan mo ang gago na 'yon bigla akong iniwan.

Asar na naglakad ako palabas at nakita ko ang itim na kotse na mukhang naghihintay sa akin. Bumukas ang bintana at nakita doon ang gagong si Vross. Ako na ang nagbukas ng pinto para sa sarili ko dahil alam ko naman na hindi niya ako pagbubuksan.

Tahimik na kami ng simulan niya nang paandarin ang kotse, nakatingin lang ako sa labas ng bintana. Hanggang sa huminto na 'yon hindi naman ganun kalayo ang pinuntahan namin, hindi ko alam kung saan kami nagpunta basta sumusunod lang ako, pagpasok namin sa building lahat ng nadaraanan namin ay napapatingin sa aming dalawa ni, Vross.

Magkasabay lang kami maglakad at binabalewa ang mga nakatingin sa amin. Napatingin naman ako kay Vross na nahuli kong nakatingin sa akin habang naglalakad pero agad din yon inalis. Hanggang sa pumasok kami sa isang shop at doon ko lang napansin na mga wedding gown ang mga naka-display doon.

"Good morning, Mr. Deogracia." Bati ng babae na mukhang may ari ata nitong shop.

"Yes, good morning. I'm with my fiancée,"sagot ni, Vross.

"Nice to meet you." Masayang bati nitong babae sa akin.

Tumango lang ako at naupo si Vross sa mahabang sopa, umupo rin ako at malayo sa kanya. Pero hinatak niya ako palapit sa tabi  niya kaya pinanlakihan ko siya ng mata.

"Bakit ba hatak ka nang hatak sa akin?" Naiinis na sabi ko sa kanya pero hindi siya sumagot. Inalis niya ang salamin niya at may inabot sa akin.

"Pumili ka na ng wedding gown na gusto mo para matapos na tayo," Seryoso litanya niya.

Umirap ako at binuklat ko na ito para mamili, medyo hindi ako mapakali dahil bigla akong nilamig. Napapahimas ako sa braso ko dahil sobrang lamig dito. Pero natigilan ako ng may lumapat na tela sa balikat ko, napatingin ako kay Vross na hinubad nito ang suot niyang coat.

"Malamig dito." saad niya at tumayo ng biglang may tumunog na cellphone. "May kakausapin lang ako." Paalam niya.

Nakatingin lang ako kay Vross habang nakatalikod siya dahil may kausap sa phone, napatingin ako sa coat niya na hinubad at nakapatong ngayon sa balikat ko.

Wow aa, dapat na na na ako kiligin? Parang kdrama lang.

Napapangiti ako sa naisip ko at binalik ko na ang atensyon ko sa pagpili hanggang sa bumalik na sa tabi ko si, Vross.

"May napili ka na?"

"Ha?" Napakurap ako at napaawang ang bibig ko dahil sa medyo malapit ang mukha niya sa akin. Bigla akong tumayo. "Meron na." Sagot ko at umikot ang mata ko sa paligid.

Tumingin-tingin ako sa mga naggagandahan na mga pares ng sandals. Napatingin sa taas dahil may nakaagaw ng atensyon ko, balak ko sana itong abutin pero may mas naunang umabot doon.

"Gusto mo ba isukat?"

Napaharap ako bigla sa kanya at para akong biglang matutumba pero nahawakan niya ako sa bewang at para akong napaso ng dumampi ang kamay niya sa balat ko. Umalis ako agad sa harap niya at muling naaupo sa sopa. Nakayuko ako dahil ang lakas  ng tibok ng puso ko.

Natigilan ako ng hubarin ni Vross ang sandals ko at ipalit ang sandals na kinuha niya kanina. Titig na titig ako sa ginawa niya at hindi ko alam kung ano ba itong nararamdaman ko.

"Ayoko nito hindi pala maganda."sabi ko at inalis agad ang sinuot niya sa akin. Muli kong sinuot ang sandals ko at tumayo. "Tara, ok nama na nakapili na ako." sabi ko at binalik ko na ang damit sa kanya.

Pansin ko na nakatingin lang siya sa akin ng ibalik ko na ang coat niya, tumalikod na ako dahil ayoko itong nararamdaman ko. Nauna na akong lumabas sa kanya ng shop.

"Hey, any problem?" Kunot noong tanong niya.

"Problema? Wala, gusto ko ng umuwi para magpahinga." Sagot ko lang dito at tinalikuran siya.

"Damien."

Natigilan ako at napaharap muli at hindi ako nakagalaw ng makita kong may yumakap kay Vross na babae at talaga namang sobrang higpit ng yakap nito. Hindi ko alam pero kusang humakbang ang paa ko at naglakad na.

Narinig ko pa na tinatawag ako ni Vross pero hindi ako lumingon dahil gusto ko ng umuwi.