Chapter 56

“Ikaw ang laging nagrereklamo sa tuwing may hindi nasusunod sa mga plano mo pero kung ikaw naman ang bigla-biglang nagbabago ang isip, bawal na kaming kumontra?” Natawa si Charles habang umiiling. “Iba ka rin ah.”

Nagkibit-balikat lamang si Laverna habang naghahanda sa kaniyang paglusob. Imbes kasi na aalis siya sa lungsod ng Mephis ay mas pinili niyang huwag muna para lang masiguradong mabubuhay si Klare.

“Sigurado ka ba talaga rito?” usisa ulit ni Charles. Pang-ilang tanong na niya iyon sa dalaga para lang makampanteng desidido talaga ito sa pagbabago sa kanilang plano. “Kung ililigtas mo kasi si Klare ngayong gabi, pinapatunayan mo lang sa Caesar na iyon na hindi talaga nawala ang alaala ni Laverna.”

Bumuntong hininga si Laverna saka hinarap ang lalaki. Tinapik niya pa ito sa balikat.

“Huwag kang mag-alala, may double naman ako na tumuloy sa Esterdale so mapapaniwala ko sila na umalis talaga ako,” saad niya na para bang hindi papalya ang plano niya. “Tsaka huwag niyo pala itatapon