Chapter 113

Napakamot ako sa ulo habang pinagmamasdan si Nix, na tila namutla nang marinig ang sinabi ko tungkol sa baby brother na hinihiling ni Athena. Inaasahan ko na ganito ang magiging reaksyon niya. Simula noong ipinanganak ko si Athena, halos sinumpa na niya ang ideya ng pagkakaroon ng isa pang anak. Halos hindi niya makalimutan ang takot at kaba ng mga oras na iyon, lalo na’t marami akong nawalang dugo, at sa isip niya’y muntik na akong mawala sa kanya.

Nakita ko ang pag-aalala sa kanyang mukha. "Jesus…" Napahilamos siya sa mukha, tila hindi makapaniwala sa narinig niya.

"Medyo overacting ka na, Nix," sabi ko, pilit na pinapawi ang tensyon sa sitwasyon. Alam kong malalim ang takot niya, pero hindi ko maiwasang pakalmahin siya.

Lumingon siya sa akin, ang mga mata’y puno ng pag-aalinlangan at takot. "You… you want another baby, darling?" mahina niyang tanong, halos pabulong, habang may bakas ng takot sa kanyang boses.

"Gusto ko," mahina kong sagot, nilalaro ang dulo ng kanyang damit para ma