CHAPTER 31: THE MISSING PIECE

MEDYO naninibago ako sa mga nakaraang araw dahil pansin kong laging nakaantabay sa akin si Mama Maxine Delimondo sa bawat kilos ko. Kung dati ay sobrang maalaga at maasikaso siya sa akin pero ngayon ay mas doble pa. Daig ko pa tuloy ang isang mamahaling manika kung ingatan at alagaan niya. Minsan nahihiya na ako sa kaniya lalo na’t binubuhos niya na ang lahat ng oras sa akin.

“Hija, do you want these? Bagay ang mga ito sa iyo. Actually, bagay sa iyo ang lahat ng mga nandito sa boutique,” she uttered while showing to me some set of dresses.

Kinakabahan naman ako lalo na’t baka mayro’n siyang balak na bilhin ang lahat ng panindang damit sa loob ng boutique na mahal ang mga presyo. “Marami na po ang mga damit na ibinili niyo po para sa akin. Ayos na po sa akin iyon at baka hindi ko na po magamit ang iba, Mama.”

“Oh, gano’n ba? Ayaw mo ba talaga ng mga ito?” dismayado niyang turan.

I smiled at her. “Ahm. . . Ayos na po para sa akin ang mga nabili niyo po no’ng mga nakaraang araw-ar