CHAPTER 39: PARTNERS

NANG nakita nina Mama at Papa ang mga pictures ko sa photoshoot naming dalawa ni Achil ay sobrang humanga sila at tuwang-tuwa. Akala ko nga ay magagalit sila lalong-lalo na si Mama dahil mayro’ng pagka-sexy ang theme ng shoot para sa Kryptonite Necklace. Sa mga sumunod na photoshoots namin para sa iba pang gawa ko na Rare Collection ng MTD Jewels ay naging maayos na. Hindi na rin kasi masyadong maingay lalo na’t ipinagsabay ang araw ng photoshoot ng Premium at Rare Collection. Magkaiba lamang ang studio na ginamit. Suportado naman ni Ate Maricel si Ate Marissa kahit na panay ang kanilang pag-aasaran.

Mas maagang natapos ang photoshoot ko kaya naman dumiretso ako sa studio kung saan ginaganap ang photoshoot para sa Premium Collection ng MTD Jewels. Karamihan ng mga jewelries na iminomodelo ro’n ay mga gawa nina Ate Maricel at Ate Marissa. Hindi ko napigilang humanga dahil napakagaling ni Ate Marissa magmodelo habang suot niya ang earrings, necklace at bracelets na mga disenyo ni Ate M