Seventh Attack

Ang akala ko ay mabilis lang kaming makakarating sa north wing pero nagkamali ako!

Naglakad lang kasi kami. Kapag daw ginamit ang sasakyan ay mataas ang possibility na mawalan kami ng gas at hindi naman namin pwedeng iwan ang sasakyan. Kaya iniwan nila sa garahe ng lumang bahay ang sasakyan at iba pang gamit at siniguradong hindi makikita ng mga hunters. Nakita ko ang paglock nila no'n at sinisiguro akong walang makakanakaw do'n.

Sa paglalakbay ay unti-unti ko silang nakilala.

"Sa taas..." Mahinang usal ni Pisces na nasa gitna namin. Kaagad na bumaril si Cedrick sa taas na parte ng kagubatan. Alerto ang lahat ngunit hindi naiiwasan ang pakikipagbiruan.

"Naaalala ko pa 'yung huling cartoon na napanood ko bago magsimula ang zombie apocalypse na ito," natatawang sabi ni Max. "Tungkol siya sa planong pagsakop ng mundo."

Isang malakas na putok ng baril ang umalingawngaw nang barilin ni Celine sa ulo ang isang zombie. Kahit na medic siya ay napaka-asintado.

"Oh, anong nangyari sa cartoon?"

"Namatay yung bida at mga kaibigan niya."

"What?!" Celine shrieked. "Anong klaseng cartoon 'yan?"

"Kakaiba nga e. Puro kabrutalan at patayan lang. Hindi yata pambata 'yon."

Kapag napapagod ay nagpapahinga. Tahimik lang kami dahil ayaw naming mabulabog ang mga zombies. May halong kaba palagi sa dibdib ko dahil isang maling galaw ay maaari kaming mapahamak.

Sa paglalakbay ay unti-unti ko silang nakilala. Masyadong misteryoso si Pisces. There is something in him that I can't point out but my gut says it is dangerous. Celine, on the other hand, looks like a jolly person but then when she told me her story, I saw the sadness in her eyes. She's not genuinely happy.

"Malayo pa tayo sa east wing pero maghanda na kayo para sa mas maraming zombies," sabi ni Nate habang may kinukuha sa bag niya.

Isang yapak sa mga tuyong dahon ang pumukaw sa aming pansin. Napatingin ako sa palagid ngunit wala namang tao. Sinundan pa ito ng isa. At isa pa. Pabilis nang pabilis. Lahat kami ay naalerto at nakatutok ang mga baril sa paligid. Patingin tingin kung saan dahil baka sa isang iglap ay may bumungad na zombies.

"Maghanda kayo..." bulong ni Cedrick.

Isang lalaki ang sumulpot sa harapan ni Cedrick kaya agad niya itong pinaputukan. 

"Ah!" Hiyaw ng lalaki. "Easy!" Ilang mura ang pinakawalan nito dahil sa sakit. Tinamaan ito sa left bicep. Napaupo ito sa mga tuyong dahon habang iniinda ang sakit. 

Dumanak ang dugo nito at makailang beses pang napamura.

"Sacred..." tawag ni Pisces sa lalaki.

"Shit. Shit. Shit!" The guy winced in pain.

"Sacred," tawag ulit ni Pisces.

"Kilala mo siya?" tanong ni Cedrick kay Pisces.

Napatingin ang lalaking nagngangalang Sacred kay Pisces habang iniinda ang sakit.

Ilang segundo itong nanlaki ang mga mata pero paglipas n'on ay kita na ang galit sa mga mata nito.

"Tsk, mga pahamak," inis na sabi ni Sacred. Kaagad na inangat ni Max at Cedrick ang mga baril nila at itinutok kay Sacred.

"Anong sabi mo? Baka gusto mong pasabugin ko ang bungo mo?" Halatang nag-iinit na si Max.

"Tss. Go ahead! As if I care." Lumingon si Sacred sa kaliwang bahagi niya habang iniinda ang sakit. 

Halatang nainis si Max kaya hinawakan niya nang maigi ang baril. Ang tulalang si Pisces ay mahinahon na ibinaba ang nakatutok na mga baril ng mga kasama.

"Gamutin mo siya, Celine." Iyon ang utos ni Pisces sa nakatungangang si Celine. Kaagad naman itong tumango at lumapit kay Sacred pero itinulak ito ng binata palayo.

Nakatunganga lang ako sa mga pangyayari at wala akong maintindihan. Halata namang kilala ni Pisces si Sacred pero hindi ko maintindihan ang biglaang galit sa mga mata ni Sacred.

Payat lang ang binata at may sugat sa noo, braso, binti at pisngi.

Nang lumapit si Celine ay kaagad siyang itinulak ni Sacred.

"Hindi ko kailangan ng tulong mo!" Tila batang nag-aamok ito.

"Aba!" Kaagad na sumugod si Cedrick kay Sacred at itinulak ito sa magkabilang balikat kaya naman napahiga ito sa damuhan.

"Tumigil nga kayo!" awat ni Pisces sa kanila. "Wag ka nang magmatigas, Sacred! Nasugatan ka!"

Umupo si Sacred mula sa pagkakahiga at tumingin sa malayong dulo.

"Celine, gamutin mo ang mga sugat niya," utos ni Pisces. "Max, Nate, Cedrick at Collier. Magpahinga na kayo ro'n."

Naupo kami sa malayong dulo at rinig na rinig namin ang mga palahaw ni Sacred.

"Ah! Dahan-dahan naman! Masakit kaya!" inis na inda niya.

"Nanggigigil na ko sa batang 'yan. Kung sigawan niya si Celine, parang wala lang," asik ni Cedrick. "Ako nga, hindi ko masigawan 'yon!"

"Hayaan mo na..." Kanina pa nagmamasid si Nate.

"Ang yabang-yabang..." Uminom ng tubig si Max. "I can break all his bones in just a minute!"

"Tss, isa ka rin e," sabi ulit ni Nate.

Tahimik kaming kumain at nagpahinga.

"Mukhang magkakakilala sila..." bulong ni Nate habang nakatingin sa tatlo.

Napatingin ako kina Pisces. May kaba sa mga mata niya kagaya ng kabang mayroon kay Celine. Inis at galit naman ang makikita sa mga mata ni Sacred.

"Pamilyar siya pero..." Nakakunot ang noo ni Cedrick habang nakatingin kay Sacred. "Hindi ko matandaan kung saan ko siya nakita."

Nang malinis ang sugat ni Sacred ay kaagad siyang tumayo.

"Wag mong isiping ayos na tayo, Morrigan," mariin niyang sabi. Tinitigan niya lang si Celine atsaka umigting ang panga. "Kayo rin naman ang may kagagawan nito."

"Sacred, bakit ka naggagala? Delikado rito. May mga kasama ka ba-" naputol ang sinasabi ni Pisces ng barahin siya ni Sacred.

"Wag ka ngang umasta na parang magkabati tayo! Wag-"

"Pwede kang sumama samin para maging ligtas ka." Si Celine naman.

Nakita ko ang gulat kay Cedrick.

"What?!" He shrieked. "What is she talking about? Ano ba kasing nangyayari? Anong pinagsasasabi nila?" 

"Shhh." Si Nate.

"Hindi ko kailangan ng tulong niyo, Rae. Mas gugustuhin kong mamatay kaysa sumama sa inyo," seryosong sabi ni Sacred.

Tumango si Pisces. "Kung 'yan ang gusto mo."

Umambang aalis na si Sacred nang magtanong si Pisces.

"Kumusta na ang mga kapatid mo? Si Tita, kumusta na?" 

Nagulat ako nang biglang kwelyuhan ni Sacred si Pisces.

"Ang lakas naman ng loob mong magtanong." His jaw tightened.

Matinding galit ang nakita ko kaya pati ako ay kinabahan rin. Itinutok nina Max ang baril nila kay Sacred.

Hinugot ni Sacred ang baril sa pantalon ni Pisces at itinutok sa ulo ni Pisces.

"Ibaba mo 'yan!" sigaw ni Max pero parang walang narinig si Sacred.

Napapikit ako nang pinaputok ni Sacred ang baril. Sinundan pa ito ng isa. At isa pa. Inasahan kong puro dugo at bangkay ang paligid ko pero pagdilat ko ay nakita kong nakatayo pa rin si Pisces at matamang nakatingin kay Sacred.

Nakatutok ang baril sa gilid ng ulo ni Pisces at may mga nakahigang zombies sa likod nito. Ang buong akala ko ay papatayin niya si Pisces pero mali ako. Binaril niya ang mga zombies na papalapit kay Pisces.

Inihulog ni Sacred ang baril sa lupang maraming tuyong dahon at walang buhay na umalis.

"Patulugin sana kayo ng konsensya niyo." Ang iniwan niyang salita ang nagpagulat kay Pisces at Celine.

Naglakad na kami kanina pa pero parang lutang parin si Pisces at Celine. Walang naglalakas-loob magsalita.

"Who is he, Celine?" Not until now. Napatingin ako kay Cedrick na seryosong nagtatanong.

"Gabi na, magpahinga na tayo rito," sabi ni Pisces. Saktong may malaking puno ang nahintuan namin.

"Tara, magpahinga na tayo." Si Max naman.

Nang umupo kami ay inulit ni Cedrick ang tanong. "Who is he?" 

Walang buhay ang tingin ni Celine.

"Ex mo ba?" Cedrick concluded.

"Hindi."

Kumuha kami nina Nate ng kahoy sa paligid pero rinig pa rin namin ang usapan nila.

"Sino siya? Sabihin mo nalang."

Nilagay namin sa gitna ang mga tuyong kahoy at sinindihan.

"Siya ang pinsan ni Astra Aquino." Si Pisces ang nagsalita. Nagulat si Celine. Pati ang tatlo ay nagulat.

"Astra Aquino? Y-Yung napatay mo sa ZU Academy?" Tanong ni Max.

"Hindi niya siya pinatay!" pagtatanggol ni Cedrick kahit gulat rin.

Nagulat ako. 'Yon ba 'yung ikinwento sa akin ni Celine? She didn't exactly tell me that she killed Astra but I think it was her! 

"H-Hindi ko sinasadya..." bulong ni Celine. Nakatingin lang siya sa apoy kaya kita ko ang hindi pa nalalaglag na mga luha. 

Napatingin si Celine kay Pisces at kinunutan ito ng noo. "Hindi mo ba sasabihin kung sino si Sacred Aquino sa buhay mo?"

Huminga nang malalim si Pisces. "Kapatid ni Sacred si Iris..."

Bawat rebelasyon ay nagugulat ang lahat maliban sakin dahil hindi ko naman sila kilala.

"I-Iris Aquino..."

"Let's stop this topic. Kilala na natin si Sacred. Magpahinga na tayo," biglang usal ni Cedrick.