Chapter 1:

Aziria's POV

"Bakit ba kasi traffic?!" sigaw ko sa loob ng aking sasakyan.

Nakaiinis baka mahuli ako sa aking klase, maaga naman akong kumilos pero nandirito pa rin ako sa kalsada. Tiningnan ko muli ang aking itsura sa salamin. Maganda naman ako kaso nakasuot ako ng salamin. Walang make up? Hindi ako sanay. May dalang libro? Hayst, ang sarap iiwan sa condo. Hindi maayos na buhok? Kainis. Lahat ng mga ito ay ginagawa ko dahil paligoy-ligoy ang body guards nina dad at mom. Nakapapagod ang ganitong eksena.

Hiwalay na sila kaya ako nagpakalayo. Hinahanap ako ng mga bodyguards nila pero ang tanga ko dahil mag-aaral pa ako sa paaralan kung saan tatay ko ay isang co-stockholder doon. Kahit anong pilit ko kay tito na lumapit sa iba, wala akong nagawa. Siya kasi ang hiningian ko ng tulong, ang rason niya pa ay para mabantayan din ako ng maigi. Malayo naman ang lugar ng tatay ko rito kaya medyo sang-ayon na rin ako.

Maya-maya, nagsiandaran na ang mga kotseng sisingit-singit sa aking daraan. Nagpatakbo agad ako nang mabilis. Ayoko mahuli, hindi uso sa akin iyon.

Nang makarating ako sa Klent Inria High School, huminto na ako. Fourth year high school ako kaya one year na lang ang titiisin ko rito. Paglabas ko, nagbulungan agad ang mga estudiyante. Ang bilis uminit ng aking ulo kahit wala naman akong red days ngayon. E, paano kahit saang paaralan ako pumunta, laging may kumpetensya sa kanila.

Sinarado ko nang maayos ang sasakyan ko. Naglakad na ako papasok pero may nahagip ako na may dalawang lalaking tinatawag ako sa mismong nakaiinsulto sa akin. Akala mo mga pogi.

Pogi naman talaga, hehe.

Nagtuloy lang ako sa paglalakad at inilibot ang paningin ko sa buong paaralan. Nagulat ako nang may humawak sa aking balikat. Paglingon, iyon ang mga lalaking nahagip ko kanina. Humarap ako sa kaniya na may emosyong nagtataka.

"Transferee ka rito, ano? Ang ganda ba ng tanawin, hangang-hanga?" May pagyayabang sa kaniyang boses.

Sinimangutan ko siya pero hindi ko pinahalata dahil bago nga lang ako rito. "Hindi ako namamangha, nagsasawa."

Lagi akong sinasama ni dad dito kapag may meeting sila pero hindi ko nakikita itong lalaking 'to. Hindi pamilyar ang mukha niya sa akin.

"Ang taas n-"

Natigilan siya sa sasabihin dahil ang lalaking kasama niya kanina ay lumapit sa likuran namin. May kasama na siyang isa pero sa harap namin ito pumunta.

"Ano ba 'yan, Trill? Iyan na ba ang hanap mo sa babae? Low class, huh. Nakadidiri." Umuwang pa ang labi niyang pinapamukha sa aking nandidiri talaga siya. Seriously? Kalalaking tao, e. Masyadong mapanghusga.

"Israel, hindi ko naman siya type, haha." Nagtawanan sila dahil sa sinabi ni Trill. Ano nang pakialam ko? "Kakakita ko lang sa kaniya. Ang sabi niya, sawang-sawa na siya sa school na 'to. Mga transferee nga naman, nakauumay." May pinaglalaban ako, ano naman?

Hinarap ako ng Israel. "Babae ka ba? Iyan na talaga? Wala ng ikakalamang iyang hitsura mo?" Lagot kayo kay daddy, kidding. Magsama sila ng kabit niya. Pft. Base sa mga pangalan nila, co-stockholders din ang tatay nitong mga ito.

"Hoy, bakit ang tahimik mo naman, Klyde?" Tukoy ni Trill sa lalaking nasa likuran namin. Pansin ko ring hindi ito nagsasalita.

"Nothing."

Nagulat na lang ako sa ingay dahil may naghiwayan. Ang mga sinisigaw nito ay puro...

"Gosh, Ryxel! Gusto kita!" Sigaw ng mga babae.

Is she serious? Sinisigaw niya talaga 'yan? Tumingin ako sa lalaki, heartrob talaga kahit kailan. Hays, Ryxel.

"Kuya Ryxel! Bakit ba ganiyan ka kagwapo?!"

"Kuya Ryxel! Pansinin mo ako! Look at me!"

"Tanga, ayaw niya sa pangit."

Nang papalapit siya sa amin dito, nag-iba ang sigawan.

"My god! Si Israel naman! Lagi ba talaga akong makakikita ng mga gwapo?"

"Uy, sina Trill at Klyde!"

"Ang gwapo niyo talagang apat! Sana magkakaibigan na lang kayo!"

Israel's POV

Grabe mga makasigaw sa pangalan ng Ryxel na 'to, akala mo sobrang gwapo pero kung titingnan kaming apat, pangdulo siya. Tsk. Walang kwenta.

Tiningnan ko 'tong babaeng transferee na nakatingin kay Ryxel. Ang sarap sabihin na huwag kang umasang magugustuhan ka niyan dahil masyado kang pangit at dugyot.

"Push her. Panira ng awra natin." bulong sa akin ni Trill pero hindi ko nagawa dahul papunta si Ryxel sa aming gawi. Doon napunta ang aking atensyon.

Nang makalapit siya, ang babae naman ang lumapit dito. Hinawakan niya ito sa balikat at may binulong. "Ipaalam mo na sa lahat, kanina pa ako naiinip." Wala namang pag-aalinlangang tumango ang lalaki.

What? Nagpapautos siya roon. Saka anong naiinip? Pansin ko namang naglakad na paalis ang babae pero may pahabol pa pala itong lalaking 'to kaya siya napahinto.

"I miss you, see you later!" Wow, huh! Ano ba mayroon sa dalawang 'yon?! Kadiri 'tong si Ryxel, ang dami-daming nagkakagusto sa kaniya rito.

"Siguro may secret relationship sila?" Pagtataka ni Trill.

Sasagot na dapat ako pero naunahan ako ni Klyde.

"May something." Tawa siya nang tawa sa kaniyang naisip. Hindi ko alam kung seryoso ba o hindi.

Siraulo!

"Something ka riyan? Huwag mong sabihin na may gusto si Ryxel doon sa pangit?" Sumama ang tingin ko. Ewan, masama ang loob ko sa nasaksikan. Nakakainis, panira ng mood 'yong babaeng 'yon.

"Ganoon na nga, haha." Dahil hindi siya tumigil sa katatawa pati tuloy si Trill nahawa. Mas lalo akong napailing.

Umalis na lang ako at pumunta sa cafeteria. Nagulat ako nang may nagkukumpulan. Tiningnan ko kung sino. Si Keziah ang pinakamalandi rito. Yes, iyon ang tingin sa kaniya rito sa school. Mga first year hugh school student ang mga nagsihusga.

Tinulak niya si nerd, iyong babae kanina para mapaupo ito. Mukha kasi siyang nerd na walang utak, kakaiba, hindi ba? Saka umalis sa harap namin para pumunta sa cafe? Sabi niya ay naiinip siya. Ito pala ang libangan niya, cafeteria.

"Tumingin ka kasi sa dinadaanan mo, huh?! If you can't see, take off your glasses!" sigaw ni Keziah.

Walang ginawa ang tinulak niya. Binuhusan pa ni Keziah ito ng malamig na tubig dahilan para magsigawan ang mga estudiyante, tuwang-tuwa sa pinapanood ngayon.

"Masarap ba?" tanong pa nito.

Tumayo siya at magsasalita na dapat pero pinigilan siya ni Heart. Si Heart, maganda ito kahit sa malayo mo tingnan pero puro ito bad records dahil sa pakikipag-away, kung saan man siya mapunta, 100% sure away ang mangyayari.

Tiningnan ni Heart ang babae, pinasadahan ng tingin ang katawan. Pagkatapos niyon, humarap kay Keziah. "Dapat sa mababait, kinakaibigan, minamahal at higit sa lahat iyong tinutulungan. Hindi 'yong pinagtutulungan." Wow, mabait ba talaga iyang pinagtatanggol niya? Ang mga mata ay na kay Keziah lamang, kung titingnan siya, halatang nagtitimpi.

Sasampalin dapat ni Keziah si Heart pero dumating si Jasfer. Hinawakan niya ang kamay ni Keziah at binitawan nang pahagis. "Don't you dare me, Keziah." Baritonong boses ang nilabas niga. Napailing-iling pa siya bago itayo ang babaeng kanina pa nakaupo.

"Are you okay, Aziria?" Agarang tanong ni Heart. So Aziria pala ang pangalan niya?

"I'm not okay because of this bitch." Nagtawanan sila dahilan para umalis na naiinis si Keziah. Wow, just wow.

"Welcome back, Miss Beautiful." Yayakap sana si Jasfer kay Aziria pero may sumingit na naman.

Si Lara, maganda rin siya, sikat ito sa school namin. Siya kasi ang laging representative kapag sa mga pageants. Malamang kapag may events na gano'n ay nakasuporta lahat sa kaniya lalo na ang school pero masungit talaga ito.

"Jasfer, nangbababae ka na naman." Suyaw ni Lara dito. Napakamot na lang si Jasfer ng ulo niya. Wala naman sa kanilang something pero kung magturingan sila-argh, nevermind.

Nangunot ang aking noo nang mapansin kong nagbubulungan sila. Hays, ano ba 'tong pagiging chismoso ko, gusto kong malaman kung anong pinag-uusapan nila.

"Salamat sa inyo, sa pagtulong." Nakangiting pasasalamat ni Aziria sabay alis.

Oo nga 'no, parang may something but wait. Miss beautiful? Fuck! Bulag ba si Jasfer? Banlag ba siya? Kay pogi-poging lalaki pero mas gwapo pa rin ako.

Nang natapos na ang gulo. Nagulat na lang ako na nakatingin na sa akin ang ibang babae. Tumakbo ako pero rinig ko pa rin ang sigaw nila. Ulol na ulol sa akin, mukha ba akong celebrity? Matapos ang pangyayaring 'yon. Dumiretso ako sa silid at salamat, wala pa si ma'am.

"Oh, hingal na hingal ka riyan, Rael?" Bungad ni Kylde na nagsusulat sa kaniyang notes. Napansin niya pa ako?

"Malamang, ano pa ba?! Hinabol na naman ng chix." Nagtawanan sila. Bwisit na Trill 'to, may chismis ako e.

"Nakita ko lang iyong babae na nangangalang Aziria na binully sa cafe." Pag-uumpisa ko at umupo. Agad naman silang lumapit sa akin.

"Oh, anong nangyari?" Umpisang pang-uusisa ni Klyde. Halatang may gusto malaman.

"May tumulong sina Jasfer, Heart at sama na natin si Lara." Nakahinga naman na ako nang maayos kaya maayos na ang pagsasalita ko.

"Famous." Komento ni Trill na alam ko agad ang pinupunto.

"May something, kanina si Ryxel nag-" Pinigilan ko ang sinasabi ni Klyde. Hayst.

"Puro kayo something, hayaan niyo iyon. Pakialam natin sa buhay niya. Transferee lang naman siya rito pero kung pag-isipin niya tayo, grabe. Ano bang mayroon sa babaeng 'yon? Bakit ganito na lang niya hatakin ng mga interes natin? Nakaiirita."

Who are you, Aziria? Tsk.

Maya-maya dumating na si Ma'am Gonzales kaya umupo na ako. Naglagay ako ng earphones sa aking tainga habang may kanta. Kapag sa kaniya, dindalaw ako ng antok, makakatulog na sana ako ngunit...

Ang lakas ng katok. Tumingin ako sa pintuan kung sino iyon. Aziria again.

"Come in," ani Ma'am Gonzales.

Loko itong babaeng 'to. Wala man lang paumanhin sa guro dahil huli siya sa klase. Tsk. Diretso pasok agad.

"Please, introduce yourself." Nakangiting sabi ng guro. 'Wag niyang sabihin na kaklase namin iyan. "Class, kakatransfer niya lang kaya maging maayos kayo sa kaniya."

"Maganda 'to, bro. Trip-trip." Bulong ni Troll sa akin na may pataas-taas kilay pa. Abnormal! Pero sang-ayon naman ako sa naisip niya.

Ibinalik ko na lang ang tingin ko sa harap.

"Hi, my name si Aziria Izzy Sullvian." Walang gana ang kaniyang pananalita. Ibang-iba ang reaksyon niya kanina, para bang nagkaroon siya ng dahilan para maging ganiyan.

"Okay, class, new student, Aziria Izzy Sullvian. Be nice to her becaus-"

Biglang pinutol ni Aziria ang pananalita ng guro. "Pinakilala ko na ang sarili ko, hindi na dapat malaman ng mga kaklase ko kung ano man iyang sasabihin mo."

Napanganga na lang ako sa kaniyang sinabi like the heck? Nasabi niya 'yon? I swear, parang hindi ko maiintindihan kung anong ugali-wala pala akong pakialam. Argh! Pati ang guro namin, natulala. Ang bastos niyang estudiyanteee! Napahiya ang guro namin kaya pinaupo na lang itong babaeng 'to.

What a behavior, Aziria. Now, it's your turn.

Itutuloy...