CHAPTER 34

Hanggang dahil sa pagod ay nakatulog si Irish sa dibdib ni Daniel. Matagal niyang pinagmasdan ang maganda at maamong mukha ni Irish. Iniisip niya kung ano ang magiging kahihinatnan ng laro nilang ito. Kung sino ang matatalo. Ngayon payag na siyang sumubok. Sa pagpayag niyang halikan siya ni Irish kanina ay hudyat na iyon nang pagsisimula ng lahat. Kung ano ang magiging katapusan, iyon ang kaniyang hihintayin. Bahala na.

Dahil sa maginaw na ang hamog at masakit na din ang katawan niya sa hindi komportableng pagkakahiga nila ni Irish ay tinapik niya ito sa balikat para gisingin at babalik na sila sa kubo.

"Tara na sa kubo at baka magkasakit ka sa hamog." Bulong ni Daniel.

Uminat ang ginising na si Irish. Ngumiti ito ng pilit. Masarap ang gising kahit pa madaling araw kung ang lalaking pinakamamahal niya ang una niyang makikita.

Inalalayan pa siyang tumayo si Daniel. Halos payakap siyang inalalayan ni Daniel hanggang sa kubo. Nakayakap pa rin si Irish kay Daniel nang humiga na sila sa k