Ika-pitumpu't pitong kabanata

“Mahal na hari, may gusto lang akong itanong at linawin. Hanggang ngayon ay nagdadalawang-isip pa rin ako at hindi kumpyansado kung makakagaya ko bang pagtagumpayan ang pagsubok bukas. Sa totoo lang ay nahihirapan akong kabisaduhin ang lahat ng batas sa ating mundo, at mas lalong nalilimutan iyon dahil bukas na ang eksaminasyon para ro’n. Sa palagay ko ay baka mabigo ko lamang ang Mahal na reyna na pumili sa akin. At naiisip ko pa lang iyon ay nilulukuban na ako ng hiya.” Napatigil ako sa paglalakad nang marinig ko ang boses na iyon. Papunta ako ngayon sa aklatan dahil may kailangan akong kuhanin na libro nang madaan ako rito sa may isang silid. Sa pagkakaalam ko ay ito ang nakalaang silid para sa mga nag-eensayo at nag-aaral na maging susunod na konseho ng aming mundo, at base sa narinig ko ay ang isa sa kanila ay kausap si Cyrus.

Humakbang ako palapit sa pintong nakasara upang mas malinaw na mapakinggan ang pag-uusap nila na iyon.

“Huwag kang mag-alala at manatili