Chapter Nine

Mikael

Bumalik ako sandali sa bahay na tinutuluyan ko para kumuha ng ilang gamit. Wala ring kuryente sa bahay kaya naman bahagyang natagalan pa ako sa pag-aayos ng mga gamit na kailangan kong dalahin. Kinuha ko ang isang kuwintas na nakalagay sa drawer ko at inilagay iyon sa bulsa ko. Kailangan ko itong ibigay kay Angelica para na rin pandagdag proteksyon sa kaniya lalo pa at may demonyo na nasa paligid lang.

Napagpasyahan ko na maglinis muna saglit ng kwarto at ayusin ang mga papel na nakakalat sa study table ko. Malamang si Raguel ay nasa kabilang bahay para magbantay at ang iba namang kasama kong archangels ay siguradong nakikipaglaban ngayon sa Gate of Heaven.

Kung tutuusin, malaking tulong sana kung nandoon din ako pero kinutuban ako na may masamang mangyayari. Lalo pa at nandito lang din sa mundo ng mga tao si Nathan.

Matapos maglinis at mag ayos ng mga gamit ay bumuo ng isang pentagram para makabalik na sana sa bahay nila Monica nang may marinig ako na malakas na pagsabog sa labas. Dali-dali kong isinara ang pentagram at sumilip sa labas. Nakita ko na nakatayo si Nathan sa bakuran naming at nakangisi habang nakatingin sa akin.

“Ano? Makikipagtitigan ka na lang ba  sa akin?” nang aasar na sigaw nito.

Binuksan ko ang bintana ko bago tumalon palabas.

“Ano na naman ba ang gusto mo, Satan?”

“Simple lang. Labanan mo ako. Kanina pa ako nangangati yung kamay ko na sapakin ka.” sabi niya at bago patunugin ang mga daliri niya.

Sa isang iglap at nasa tabi na nya ako kaya naman mahinahon ko na tinapik ang balikat niya, “baka naman hindi ka lang naghuhugas ng kamay, Satan. O sadyang madumi lang talaga ang kamay mo kaya hindi na maalis ang pangangati?”

Isang matalim na kutsilyo ang muntik nang tumama sa mukha ko mabuti na lang at naka-iwas ako.

“Pikon? Ikaw ang nagsimula, hindi ba?” nang aasar kong sabi habang patuloy na umiiwas sa pag-sugod niya.

“Fuck you.” Sabi niya bago palitan ang weapon nya. Isang itim na chain iyon. At kung hindi ako nagkakamali, ang chain na iyon ang paborito niyang gamitin. Kung ikukumpara sa whip na gamit ng ibang demons gaya mga archdemon, ay dalawampung beses na mas malakas ito. Ang seven Prince of Hell lang ang may kakayahan na makapag-summon ng isang Demonic Chain. Pero kung iisipin, may isang demon nga pala na nagagawang makapag-summon nito. Sad to say she’s not part of their team anymore.

Pumulupot ang chain sa kamay ko at isang ngisi ang lumitaw sa labi niya nang makita na bahagyang nasunog ang balat ko kasama ng pagtulo ng dugo ko sa lupa.

“Too early to celebrate, brat.” sabi ko bago hawakan ang chain at pwersahan na hilahain iyon. Nang nasa tamang layo na siya ay sinalubong ko ang mukha niya nang isang makas na suntok. Napaatras siya at nawala ang pagkapulupot ng chain sa kamay ko.

Bahagya kong hinaplos ang kamay ko na bahagyang nalapnos dahil sa chain at agad din naman iyon gumaling.

“Tsk tsk tsk tsk. Humihina ka na, Satan. Sign of aging na ba yan? Ni hindi man lang ako pinagpapawisan sa iyo.” Pang-aasar ko.

“Aba, sa tingin mo ba sino ang nagpapakita ng sign of aging sa ating dalawa? Ikaw ang mas gurang sa ating dalawa.” sabi niya bago itapat ang kamay niya sa dereksyon ko. Sa isang iglap naging matatalim na piraso ng yelo ang butil ng ulan na bumubuhos at bumulusok ang mga iyon papunta sa akin.

Mabilis akong bumuo ng isang barrier, sapat lang para maprotektahan ko ang sarili ko sa mga matatalim na yelo na iyon. Dahil na rin sa dami ng butil na patuloy na bumubulusok papunta sa akin at sa kapal ng hamog dulot ng ulan, hindi ko makita nang malinaw ang kalaban ko.

Isang ngisi ang nabuo sa labi ko nang maramdaman ko ang presensiya niya sa likod ko. Agad akong umiwas nang maramdaman na sumugod na siya nang isang suntok. Mabalis kong nahawakan ang kamay niya na ginamit niya para suntukin sana ako. Akmang babawi ako ng suntok nang may maramdaman ako na tumama sa likod ko. Lumitaw ang ngisi sa labi ni Satan nang makita na may lumabas na dugo sa labi ko.

May isang sphere na nakatarak sa likod ko at may demonic pentagram doon. Dumiin iyon sa katawan ko bago tuluyang mawala. Naramdaman ko na bahagyang nabawasan ang lakas ko dahil sa sugat na natamo ko at sa epekto ng demonic pentagram.

“See? Humihina na ang senses mo, tanda.” Nang aasar na sabi niya bago magpadapo ng suntok sa kaliwang pisngi ko. Sinundan niya ito ng sipa sa kanang tagiliran ko kaya naman natumba ako. Sinamantala niya ang pagkakataon para tapakan ang dibdib ko.

Satan, being a demon himself, ay diniinan ang pagkakaapak sa akin kaya naman bahagyang lumubog ako sa kinahihigaan ko.

He looked down on me as if I’m a dying prey. He has this devilish smirk on his lips which annoyed me.

“What? Suko na ka na? Should I kill you right here, right now?”

“Dream on!” sabi ko bago hawakan ang binti niya na nakaapak sa akin bago siya ibalibag. Dahil sa nanggigigil ako sa kanya ay napalakas iyon at mas malalim ang pagkakalubog niya kaysa sa akin. Mabilis akong tumayo at hindi pa rin binibitiwan ang binti niya. Kinaladkad ko sya bago ihampas sa dingding ng bakuran namin.

“You should really get out of here if you don’t want me to end you, right here, right now.” Nang-aasar na sabi ko at ginaya pa ang pamamaraan ng pagsasabi niya sa akin kanina.

Binitiwan ko ang binti niya kaya naman bumagsak ang katawan niya sa lupa. Naglakad na ako palayo sa kaniya dahil akala ko ay susuko na sya. Hindi na ako nagulat noong may pwersahang humila sa likod ng kuwelyo ko at may dumapo na malakas na suntok sa sikmura ko.

Agad rin naman akong bumawi at hinila rin ang likod ng kuwelyo niya bago sya tuhurin nang malakas ang sikmura niya. Agad kong sinipa ang binti niya kaya naman napaluhod siya at ginamit ko ang siko ko para tukuran ang likod niya.

“Hindi ka talaga marunong sumuko, ano?” sabi ko at napabuntong hininga pa.

Agad niyang sinipa ang binti ko kaya naman nadapa rin ako. Pinulupot niya ang braso niya sa leeg ko para sakalin ako. Halos kapusin na ako ng hininga kaya naman agad akong nagsummon ng isang maliit na dagger. May mga holy symbols iyon at dinagdan ko pa ng isang holy pentagram bago isaksak sa braso ni Satan na sumasakal sa akin. Nabitiwan niya ako at ginamit ko ang pagkakataon na iyon para makawala sa kaniya.

“Summoning weapons, eh? What? Are you going to play dirty?” naasar niyang sabi matapos maglaho ang nakatarak na dagger sa braso niya. Tumulo ang marami dugo roon ang bahagya pang nalapnos ang balat niya dahil sa holy symbols at holy pentagram.

“Well, first of all, ikaw ang naunang gumamit ng weapons. You used your chain as well as your spear against me. I’m just being fair here.”

“Really?” sabi niya bago sumugod muli ng isang suntok.

“Yeah. And, please Satan. Or should I say Nathan? Pwede bang paki-reserve muna yang galit mo at makipaglaban ka na lang next time? Hindi ka ba pagod ngayon? Drain na utak ko, pati energy ko gusto mo ma-drain?” sabi ko at umiwas sa suntok niya at tumayo na tamad na tamad.

“Well, ganyan siguro talaga pag tumatanda. Just like what you’ve said. Sign of aging.” Sabi niya at tumayo na lang din.

“Aba, bastos talaga yang bunganga mo.”

“It’s just me being me, Mikael.” Sabi niya at naglakad na. Pero napataas ang kilay ko nang nakita na naglalakad siya papasok sa bahay naming.

“Hoy, saan ka papunta?” sabi ko at sinundan na siya.

“Makikikape. Aba, I’m doing you a favor. You said it yourself, pagod ka. We should take a rest dahil na rin sa punyetang research na yan at sa pakikipaglaban. Ipaghanda mo ako ng kape. Bisita ako.” Sabi niya bago tuluyang pumasok sa bahay.

“Huwag mong subukang umapak sa carpet at umupo sa sofa na basa ka. Mapapatalsik kita sa bahay nang wala sa oras.” Pagbabanta ko nang makapasok sa bahay. Dumeretso ako sa kusina para mag init ng tubig para sa kape at habang nagpapakulo ng tubig ay nagpalit na ako ng damit.

“What? Papahiramin mo ba ako ng damit mo?” naasar na sabi niya nang makalabas ako sa kwarto ko

“You’re a self-proclaimed powerful being. Why don’t you use your powers to make yourself dry?” sabi ko habang pinupunasan ang buhok gamit ang maliit na towel.

“Tch. Damot.” Narinig kong bulong niya.

“Ayoko pahiramin ka ng gamit ko. Mamaya kulamin o pag nasahan mo pa ako.” Sabi ko at nilampasahan sya.

“Mangilabot ka sa sinasabi mo. Utang na loob anghel ka pa naman.” Sabi niya at ilang saglit lang ay nabalot na sya ng itim na mist at nang mawala ang mist ay nagbago na ang damit nya at looking fresh na agad ang lolo nyo.

“Well, just stating the fact. You’re a demon. You can do everything you want. You can copy me just by using my clothes.” Sabi ko at nagtimpla na ng kape.

“Do you really think I am that weak? I can copy your appearance without such thing. I’m a prince of hell, I’m powerful.”

Humilata siya sa sofa at gumamit pa ng throw pillow para gawaing unan.

“Oh ito na yung kape mo.” Inilapag ko ang kape sa center table.

“Is it Caramel Machiatto?” sabi niya at bumangon.

“Nah, just a simple 3-in-1 cofee. H’wag ka na mag inarte, nakikikape ka lang.” sabi ko bago umupo sa reclining chair.

“Ano ba iyan. Pang mahirap.” sabi niya bago kuhain ang tasa at inumin ang kape.

“H’wag kang mag-alala. Masarap yan, may halong basbas para naman bumait ka.”

“Fuck you.”

“Bless you.”

Hindi naman siya namansin at ininom na lang ang kape.

Walang nagsasalita sa aming at tanging pagbuhos lang ng ulan ang maririnig. Ilan sandali matapos magkape ay tumayo na si Nathan.

“Oh, before I go, I just want to say that, Carson, the highest ranking incubus is planning to attack at Monica’s place. He’s with a several witches and human familiar. Just sayin’ dahil ayoko magkaroon ng utang na loob dahil sa kape.”

Matapos niyang sabihin iyon ay nabalot na siya ng itim na mist at naglaho na. Ako naman ay napatakbo na sa kwarto para kuhain ang gamit ko. Ilan sandali pa ay nabalot na ako ng liwanag at pag dilat ko ay nasa bahay na ulit ako nila Monica, sa kwarto kung saan niya ako pinapatuloy.

Pinakiramdaman ko ang paligid at wala naman na akong naramadaman na ibang presensya bukod kay Geca at kay Monica. Pero, hindi nakaligtas sa akin ang naiwan na bakas ng sumugod na incubus. Tulad ng sinabi ni Nathan, marami sila. Pero dahil nga bakas na lang ang naiwan, ay bahagyang nakampante na ako.

Napaluhod ako dahil naramdaman ko ang muling pagbukas ng sugat ko sa likod ko. Mukhang hindi pa rin tuluyang gumaling ang sugat ko. Idagdag pa na ginamit ko ang lakas ko para mabilis na makapunta rito. Napa-upo ako sa kama bago huminga nang malalim.

Ilan sandali pa ay naramdaman ko na ang pag galing ng sugat ko. Nang maging maayos na ang pakiramdam ko ay lumabas ako ng kwarto para silipin ang dalawa. Nakita ko na tulog na tulog sila at ang nagsisilbing ilaw lang sa kwarto ay ang lampshade ni Monica. Mukhang may kuryente na kaya naman tahimik at maingat kong isinara ang pinto bago bumaba ng kusina para maghanda ng hapunan.