Chapter 193

Sean’s POV

Binigyan kami ni Prince Nathan ng limang oras para matuto ng Krav Maga sa pamamagitan din ng mga hologram na ipinagkaloob sa bawat magkakapareha. Tagaktak ng pawis ang aking nararamdaman at pagod sa mga sandaling ito. Kasabay pa ng aming kakaibang amoy sa aming sarili. Mas matindi pala ang Bloody Training sa batch na ito dahil marami din ang nasawi. Sumulyap naman ako sa kinauupuan ng mga Royalties. Kumpleto silang walo. Mas nakakakaba ang kanilang mga presensya habang kami ay inooberbahan. Nakarinig naman ako ng pagputok ng baril. Pagtingin ko sa gawing iyon ay binaril sa hita ang isang miyembro ng x-solemnity na si Jezreel. Huminto kasi ito na tila nagpapahinga. Mukhang ayaw ng Royalties na may nakikitang nagpapahinga hangga’t hindi nila sinasabi, shit. Mas binilisan ko ang suntok at sipa ko sa punching bag na pinagsasaluhan namin ni Dominic. Ganoon din naman ang ginawa ni Dominic dahil mukhang napansin niya ang dahilan ng pagputok ng baril. Nagtanguan pa kaming dalawa.