CHAPTER 83 - Making A Trouble

Kung ang eksenang ito ay makikita ni marigold noong mga panahong hindi pa malinaw ang status nila ni chardon, ngayong nobyo na n'ya ang binata ay hindi na niya hahayaang sumamâ lang ang loob niya, manahimik at magmukmok na lang.

"CHARDON ATANANTE! Anong ginagawa mo?!"

Ganu'n na lamang ang gulat ni Chardon nang marinig ang pamilyar na boses na iyon ng isang babae, naitulak pa niya nang malakas si Sheree na nakayakap sa kanya. Sumubsob ang babae na mabuti na lamang ay nasalo ng isang pulis na malapít lang sa kanilang dalawa.

"M-mari?...."

"Huwag mo 'kong ma-mari mari diyan." Sinulyapan ni marigold si Sheree na noo'y naka-subsob sa pulis.

Nakita ni marigold kung paano maka-ngiti ang pulis habang yakap ang maganda't mabangong babae. Nasuya si marigold.

Lumapit si Chardon at bahagya hinapit ang dalaga papunta sa kanya. "I'm glad you're finally here."

Bahagyang pinandilatan ni marigold ang binata habang unti-unting inaalis ang pagkaka-kapit nito sa kanya. "Talaga bang natutuwa ka