Kabanata 129

“Habang nagbabasa ako ng report mula sa aking kumpanya ay naramdaman ko ang mga titig mula sa aking likuran. Pasimple akong nag-angat ng tingin, at mula sa screen ng nakapatay na tv ay kita ko kung paano ako titigan ng isa sa kasambahay namin na may tatlong dipâ ang layo mula sa aking kinauupuan.

Kusang lumitaw ang isang ngiti sa mga labi ko na para bang natutuwa sa dalagang ito.

“Leoni, Nanay Mercy, call you in the kitchen.” Natigilan ako ng marinig ko ang sinabi ng bagong dating na katulong. “Leoni?” Ani ng isang tinig mula sa isipan ko. At ang isa sa napansin ko ay ang pagsasalita ng English ng aming kasambahay. Hindi na ako nakatiis kaya tumayo na ako at lumapit sa bagong kasambahay.

Base sa kulay nito ay masasabi ko na hindi siya isang pinay. Pero ang mga mata ko ay tila hinihigop palapit sa babaeng ito, hanggang sa hindi ko na namalayan na nasa tabi na niya ako at halos isang dangkal lang ang layo mula sa katawan nito. Dahilan kung bakit sa pagharap nito ay nagulat siya