KABANATA 30

TAMARA’S P O V

Habang ako'y nakahiga at nakatitig sa madilim na kisame ay iniisip ko pa rin kung nagsasabi nga ba ng totoo si Harry. Kung lahat-lahat ba nang mga nangyari sa kanila nang mga babae niya ay naikuwento niyang lahat sa akin. Siguro nga ay tapos na talaga ang lahat sa kanila ni Abby, at ng kanyang boss na si Sabrina.

Iniisip ko ngayon ay kung mayroon pang ibang babae. Kung ‘yung dalawa ba ay kasali lamang sa mahabang listahan niya, at marami pang ibang babaeng involved dito. At ano pa kaya ang mga pinaggagawa niya sa anim na taon naming pagsasama.

Ang pagpapakasal niya ba sa akin ay kunwa-kunwarian lamang? Pinakasalan niya lang ba ako para ipamukha sa lahat na kayang-kaya niyang makuha kung ano gusto niya? Ipinagyabang lamang ba niya ako sa mga kakilala niya?

Siguro ay wala na akong pakialam doon. Ang importante ngayon ay wala na siya sa buhay ko. Sa buhay naming mag-ina. Kailangan na lang naming magmove on at tulungan ang anak ko na matanggap na hindi talaga kami para sa i