KABANATA 29

TAMARA’S P O V

“Pero sasabihin mo sa kanya?” tanong ulit ni Wendy, na ang tinutukoy ay si Daniel.

“Hindi…” ulit ko. Hindi niya kailangang malaman ang ipinagbubuntis ko, lalo na ang pagpapakasal ko sa ibang lalake.

Tumahimik ito. At medyo nakahinga ako ng maluwag dahil ayoko munang marinig ang pangalan ng lalakeng nakabuntis sa akin.

Maya-maya lamang ay suminghot singhot ako. “Amoy sunog…” komento ko habang patuloy sa pagsinghot.

“Shit! Ang niluluto ko!” at saka ito patakbong bumalik sa kusina.

………..

Dumating na ang araw ng kasal namin ni Harry. Isang long white dress ang suot ko at walang mga manggas ito. Three months na ang tiyan ko, pero hindi ito halata sa suot kong dress at dahil maliit lamang akong magbuntis.

Dumating si Wendy at nagulat ako nang makita kong halos pareho kami ng suot na damit. Para kaming kambal.

“Nakita ko ito sa isang ukay-ukay…” humagikgik pa nitong sabi habang umiikot sa harap ko. Alam kong sinadya niyang pareho kami ng suot dahil siya ang kasama kong bumili