Chapter 57

“DITO na kayo titira simula bukas, kaya dapat mong sabihin sakin kung nasaan ang anak ko.”

Kusang napakunot ang noo ni Luna dahil doon. Biglang pumasok sa isip niya ang ginawang pag-amin nito sa mga press at sigurado siya ngayon na pinag-uusapan na siya ng mga tao. Okay lang sana kung siya lang ngunit damay na doon ang anak niya.

Ang anak niyang muntik ng mapahamak ng dahil kay Sebastian.

“This is all your fault! This is all your fault!” sigaw ni Luna at pinaghahampas si Sebastian na nagulat.

“W-wait–Luna stop it!”

“Stop it?! No! Alam mo ba kung bakit kami nagtatago sa’yo huh?! Dahil ayokong mapahamak ulit ang anak ko! Alam kong ikaw ang dahilan kung bakit muntik ng mapahamak si Celine! Ikaw ang dahilan kung bakit siya na-kidnaped!” iyak na sigaw ni Luna na siyang ikinatigil ni Sebastian.

Kusa namang huminto si Luna at dinuro ang lalaki.

“Pasalamat ka hindi ko sinabi kay Celine na ikaw ang dahilan dahil sigurado ako na malulungkot ang anak ko… d-dahil gustong-gusto ka niya.”

Pahina ng