Chapter 113

KATULAD ng normal na araw ay puro trabaho si Luna. Kinamusta na ‘rin niya ang ina ni Caroline at ayon dito ay maayos naman na ang lagay nito at hindi na umiiyak ngunit nag-aalala pa ‘rin ito dahil tulala na itong muli. Maging siya tuloy ay nag-alala dito kaya sabi niya ay dadalawin niya ito kapag may time siya.

Mabilis ang oras hanggang sa dumating ang time ng kaniyang meeting sa labas ng opisina. Hindi na siya nagpasama kay Caroline dahil marami pa itong ginagawa lalo na’t iniwan niya dito ang mga trabaho dito. Nang makarating siya sa meeting place nila ay wala pa doon ang kaniyang ka-meeting kung kaya naghintay pa siya ng ilang sandali doon.

Ang hindi alam ni Luna ay tumakas sa eskwelahan ang kaniyang anak na si Celine. Alam ni Celine na mayroong kakaiba sa ina kaya gusto niyang malaman kung ano ang pinagkakaabalahan nito o kung anong tinatago nito sa kaniya. Ramdan niya ‘rin kasi na mayroon itong tinatago at kung hindi nito sasabihin ay siya mismo ang gagawa ng paraan para malam