Chapter 114: Saved By My Ex.

Kaya ko lang pumalag kung iisa pero yung apat? Baka may kalakihan pa na parang palaka ang katawan.

Umbok ang mga tyan at parang mga pirana sa mga sira-sira nilang ngipin.

“Ibinigay ko na ang kailangan niyo.” Sagot ko.

“Hindi pa lahat..” Nagtaka ako nang sulyapan nila ang kabuohan ko at dahil doon ay kumabog ang dibdib ko, bigla ay napuno ng takot ang dibdib ko.

“Sumama ka sa amin.” Banta nito ngunit nanatili ako sa kinatatayuan.

“Ibibigay ko po lahat, kahit ilan pa, h-huwag niyo lang akong sasaktan.” Sinubukan ko makipagkasundo.

“Kahit isang daang libo?” Hamon ng isa.

“Kahit isang daang libo.” Pagsangayon ko ngunit ngumisi ito, “Mukhang mas gusto ka namin matikman.” Nagsimulang mangatog at manghina ang tuhod ko.

“Ibibigay ko lahat, huwag lang ako.” Mariing sabi ko.

“Huwag ka na kumontra miss ano ba? Mas mahalaga pa ba ang pagkababae mo kesa sa buhay mo?” Tumatawa pa sila at pilit akong hinihila, naramdaman ko na ang talas at humapdi na ang bandang tagiliran ko.

Alam kong sugat na ako