Chapter 4 - Saved by Anonymous

NAGULANTANG siya nang biglang bumangga ang sasakyan na kinasasakyan niya sa kung saan. Ang lakas ng impact at naalog yata siya at ang mga kidnaper niya. Ang sakit ng katawan niya sa nangyari. Mabuti na lang at mukhang hindi sila tumaob.

Akala niya'y tapos na ang nangyari. Pero bigla na lang umuyog ulit ang sasakyan at tila ba niyupi ito. Sa tanang buhay niya ay noon lamang siya nakarinig ng metal na tila pinupunit ngunit hindi siya tiyak dahil wala siyang nakikita dahil sa piring niya sa mga mata.

Sunod niyang narinig ang d***g ng mga kasama niya sa loob kanina. Parang binubugbog ng kung sino ang mga ito.

"Sinong may utos nito?" gigil na gigil na tanong ng boses na pamilyar na pamilyar sa kanya.

"W—wala akong sasabihin! Wala kang mapapala sa 'kin!" ganting gigil na sagot din nito.

"Gano'n ba? Sa akala mo, hindi madadamay ang mga taong pinoprotektahan mo kung hindi ka magsasalita‽" sabi ng boses ng lalaki. Nasisiguro niya. Boses ni Lestre iyon.

Hindi siya kumikilos. Ayaw niya nang makagawa ng pagkakamali. Hindi niya alam kung anong nangyayari. Masyado na siyang takot at stress. Kung maaari nga lang sana ay patayin na siya ng kung sino man ang nasa likod ng pagdukot sa kanya para matapos na ang labis na takot na nararamdaman niya.

"Si Tadeo Durang—" naputol ang sinasabi ng lalakeng tila hirap na hirap na. Nang bigla siyang makarinig ng sunud-sunod na pagsuka at huling hugot ng hininga.

"P*t*ng*na!" Iyon ang huling narinig niya dahil muli, marahil sa sobra siguro niyang pagod at sakit ng katawan ay hinila na naman siya ng matinding antok.

NAGISING siya sa matapang na amoy ng air purifier at ng tunog ng kung anong maingay na makina na sa tingin niya ay nasa kanya lamang tabi.

Naramdaman niya ang pagdaluhong bigla ng sakit ng kanyang ulo. Naalala niya kung anong nangyari at mga narinig bago siya mawalan ng malay. Dahan-dahan niyang iminulat ang mga mata at si Juris agad na mukhang may relief sa mukha ang una niyang nabuglawan.

"Beks, ang pogi mo pa-kiss nga," biro niya rito na may pilit na ngisi. Nanghihina pa kasi siya at bukod sa ulo niyang sumasakit ay masakit din ang kaha niya at iba pang bahagi ng katawan. Pakiramdam niya tuloy ay para siyang nakipagsapakan sa mga notorius na bakla.

"Kadiri ka bakla, tigilan mo ako hindi ako tomboy!" sikmat naman nito sa kanya. Natawa naman siya sa reaksyon nito.

"Bakit pala nasa hospital ako?" tanong niya rito agad. Wala na kasi siyang naalala matapos siyang mawalan ng malay.

"Tatlong araw kang walang malay bakla. Sabi ng doktor, bukod sa mga bali mo sa katawan ay stress raw ang dahilan kung bakit hindi ka agad nagkamalay. Akala namin, hindi ka na gigising eh!" kuwento nito sa kanya.

"Ah, grabe naman. Pero sino ang mga dumukot sa akin? Sinong nagligtas sa akin? Bakit daw nila ako dinukot? Nalaman daw ba nila na bilyonarya na ako kaya nila ako dinukot? Paano raw nila nalaman? Wala naman akong pinagsasabihan no'n ah‽ Magkano raw bang—"

"Hoy isa-isa lang naman!" sikmat muli nito sa kanya.

"Sorry na, baka kasi takasan mo na naman ako na hindi ka nag-e-explain eh," depensa niya rito. Natawa naman ang huli sa sinabi niya.

Magsisimula na sanang magpaliwanag si Juris sa kanya nang bumukas ang pinto at iluwa noon ang doktor kasama si Lestre. Sa kanya agad tumama ang mga mata ng dalawang dumating. Agad namang lumapit sa kanya ang doktor at isinuot nito ang stethoscope sa tainga. Si Juris naman ay pumunta muna sa isang tabi para bigyan ng espasyo ang doktor na papalapit sa kanya.

"Sabihin mo sa akin kung may iba ka pang nararamdaman bukod sa sakit ng katawan mo," anito sa kanya. Matamang nakatitig lamang si Lestre sa kanya habang pinakikinggan ng doktor gamit ang kung ano sa kanyang dibdib gamit ang stethoscope.

"Masakit lang ang ulo ko doc. Bukod doon wala na," tugon niya rito na walang emosyon ang mukha. Ewan niya ba. Parang nawalan siya ng gana nang makita niya ang lalake. At saka may naalala siya na gusto niyang itanong dito, pero sasagot naman kaya ito sa kanya ng matino?

Binigyan lamang siya ng paracetamol para sa sakit ng kanyang ulo at inindorso para ipa-scan ang ulo niya sa utos naman ni Lestre. Baka raw kasi nasobrahan ng kalog ang ulo niya o nauntog siya nang bumangga umano ang sinasakyan niya. Nang makuha naman nila ang resulta ng scan ay pina-uwi na rin siya dahil normal naman ang resulta. Mukhang sa ilang araw na tulog niya ay nabawi naman na niya ang lakas.

DALAWANG araw din ang lumipas ay naging maayos na ang pakiramdam niya. Ang bruha namang Fiona, araw-araw pa rin na nasa mansiyon at palagi pa ring laman ng opisina ng kanyang so called husband sa papel.

Paglabas niya ng kuwarto para pumunta sana ng kusina at uminom ng kung anong maiinom doon ay nakita niya na naman ang bruha na papasok sa kuwarto ng lalake na katabi lamang ng kuwarto niya.

Oo mga mars, magkatabi ang kuwarto nila kaya nakaka irita kapag nakikita niyang pumapasok ang impakta sa kuwarto sa kabila. Napaka-unique. Sa Mansyon lamang na ito ka makakakita ng mag-asawa na ang mistress ni lalake, malayang nakakagala sa pamamahay ninyo.

Nahiga na lang tuloy siya ulit dahil nakakawalang gana. Okay na sana ang pamamalagi niya sa mansyon. Narito lahat ang kanyang pangangailangan subalit narito rin lahat ng kontrabisa sa buhay niya.

Mayamaya pa ay nakarinig siya ng mahihinang katok sa kanyang pinto. Nagdadabog pa siyang tumayo dahil tinatamad na siyang bumangon at nang buksan niya na ang pinto at nakita niya si Lestre na nagmukhang puno na may nakalingkis na sawa. Kaya naman sinara niyang muli ang pinto ngunit padarag.

Kumatok naman uli ang lalake at nang mapagbuksan niya ulit ito ay nakalingkis pa rin ang ahas rito. "Kayong mag jowa, kung nagpunta kayo rito sa pinto ko para ipamukha sa akin na pinagtataksilan ninyo akong dalawa, gusto kong malaman ninyo na wala akong pake. Bumalik na kayo sa kuwarto ninyo at magjugjugan buong magdamag just don't bother me anymore please. Bussy akong tao, ayaw ko ng istorbo!" mataray na aniya sa dalawa sabay bagsak na naman ng pinto pasara.

Nang makabalik sa higaan ay saka niya lang napagtanto ang mga sinabi. She sounds like a jealous wife. Kahit ang totoo, hindi siya nag-react dapat ng ganoon pero paano niya pa ba babawiin? Nakakahiya talaga!

Nakarinig na naman siya ng mahihinang katok mula sa labas ng kanyang pinto pero nagdadalawang isip na siya kung pagbubuksan niya pa ba dahil baka si Lestre na naman ito. Wala sanang problema kung 'yung higad na ahas lang kasi as if namang mahihiya siya rito? While in fact, ang ahas na 'yon dapat ang mahiya sa kanya dahil sa ginagawa nito. Ang kaso baka si Lestre ulit iyon. Paano niya haharapin ang lalaki? Gusto niyang sabunutan ang sarili.

"Bibig ko naman kasi eh! Hayyy! Nakakahiya talaga!" aniya sa sariling sinasapo pa ang kanyang ulo.

"Celestina, open the fucking door or I will destroy it in no fucking time!" mahinahon ngunit mariin at nagbabanta ang boses na anitong patuloy ang pagkatok. Binaha ng kaba ang kanyang dibdib but there's no way he could defeat her by his words. Kahit kontrata lamang ang lahat at posibleng hindi siya bayaran nito, hindi naman siya papayag na kaya-kayanin lamang nito.

"Hay! Parang ang sarap mag-post ng no pest allowed sa pinto eh!" inis na hiyaw ng kanyang isip. Kaya lang wala naman siyang magagawa. Nagmartsa siya papunta sa pinto at binuksan ito.