Chapter 37-pagsuko

“Ang sarap naman ng buhay mo. Oras pa ng trabaho mo, nandito ka nakaupo at kumakain.” Nanunuya ang paraan ng pagsita ni Jennelyn kay Kailani.

“Normal lang naman ito sa nagugutom, hindi ba?” walang gana na sagot ni Jennifer sa pinsan.

“So, uunahin mo pa 'yang sikmura mo kaysa sa kapakanan at kalusugan ni Tita Amber?!”

Tila walang pakialam sa sinabi ng pinsan si Jenny. Ipinagpatuloy lang niya ang pagkain. “Ano pa ang silbi at naroon ka upang magpakitang gilas ng kabaitan mo sa harap ng mapapangasawa mo?”

Nameywang si Jennelyn sa harap ng babae at hindi nagustohan ang pagsagot nito sa kaniyang ngayon. "Huwag kang pilosopo! Ang trabaho mo ang asikasuhin mo at intindihin kung ayaw mong matanggal sa trabaho!”

“Kailangan ko rin namang lamanan ang tiyan ko para hindi ako magkasakit.” Mahinahon na sagot na ni Jenny dito. Wala siya sa mood ngayon na makipag-away sa impostora niya.

Lumapit si Jennelyn at marahas na hinawi ang plato ng dalaga dahilan upang lumipad iyon pati ang laman na pagkain.