Book 2: Chapter 1-Naligo ka ba?

"TAPOS na?"

Napahinto si Dexter sa pagkabit ng sinturon sa kanyang suot na pantalon nang may magsalita sa kanyang likuran. Alerto at marahas niyang nilingon ang nagsalita. Ganoon na lang ang pagkagitla niya nang mamukhaan ang babaeng laging bumubuntot sa kanya nitong mga nakaraang araw. Automatic niyang naitakip ang mga kamay sa kanyang harapan nang makita na doon nakatitig ang babae. Pilya itong ngumiti sa kanya at kumindat pa na ikinakunot ng kanyang noo.

"Bakit ba sinusundan mo ako kahit saan magpunta?" Iritabling tanong niya dito at itinuloy ang pag-ayos sa sinturon.

"May Guardian Angel ba na nakahiwalay sa kanyang binabantayan?" nakalabi na balik tanong ni Sasha sa guwapong abogado. Nasundan niya ito hanggang hotel kung saan may dinalang maganda at sexy na babae.

Napabuntonghininga bago tiningnan ni Dexter ang kaharap. Naiirita na siya dito dahil bigla na lang ito sumusulpot kahit saan man siya naroon. Nagpasalamat na lamang siya at hindi rin ito tumuloy hanggang loob ng banyo t