Bound by His Terms

Chapter 5: Bound by His Terms

Tahimik na nakaupo si Amara sa isang maluwang at eleganteng sala. Sa kabila ng ganda ng paligid, hindi niya mapigilang makaramdam ng lungkot at kaba. Isang araw pa lang simula nang pumayag siyang magpakasal kay Raiden Alcantara, pero parang ang bigat na ng mundo sa kanyang balikat.

Ang tanong na paulit-ulit sa isip niya: Kaya ko ba talaga ‘to?

Isinandal niya ang ulo sa sofa, sinusubukang alisin ang pagod. Gusto sana niyang bumalik sa ospital para bantayan ang mga magulang niya, pero mahigpit ang utos ni Raiden—dito na siya titira at hindi siya basta-basta makakalabas nang walang pahintulot niya.

Napabalikwas siya nang marinig ang pagkalansing ng susi sa may pintuan.

Bumukas iyon, at pumasok ang isang matangkad na pigura—si Raiden. Suot pa rin nito ang itim na suit, ang kurbata ay bahagyang maluwag na na parang kanina pa ito nasa trabaho.

Malalim ang titig ng lalaki habang isinara ang pinto. Sa isang iglap, napuno ng kanyang presensiya ang buong silid.

"Kumusta ang araw mo?" malamig na tanong nito, habang tinatanggal ang coat.

Hindi sumagot si Amara. Alam niyang wala namang interes si Raiden sa sagot niya—isang pormalidad lang ang tanong.

Lumapit si Raiden, ang mga hakbang niya ay matatag at puno ng awtoridad. Naupo ito sa katapat na sofa at tumingin sa kanya. Sa pagitan nila, naglapag nito ang isang folderU—ang marriage contract and prenuptial agreement—na nag-uugnay sa kanilang dalawa.

"Basahin mo," utos ni Raiden habang isinandal ang sarili sa sofa, ang mahaba at malalapad na daliri ay marahang ipinapatong sa kanyang tuhod. "Dapat naiintindihan mo ang bawat kondisyon bago ka pumirma."

Tahimik na kinuha ni Amara ang dokumento. Nanginginig ang mga daliri niya habang binubuklat ang mga pahina. Sa bawat linya ng kontrata, pakiramdam niya ay unti-unting nababawi sa kanya ang kalayaan niya.

Clause 1: You will live under the same roof as my legal wife until I decide otherwise.

Napakurap siya. "Ibig sabihin, titira ako dito sa bahay mo?"

Tumawa si Raiden—mahina at puno ng panunuya. "Simula ngayon, ito na ang magiging bahay mo, Amara. Wala ka nang babalikan."

Nangingilid ang luha sa mata niya, pero pilit niyang nilunok ang pait. Para sa magulang niya, handa siyang tiisin ang lahat.

Pinagpatuloy niya ang pagbabasa.

Clause 2: No romantic involvement. This is a business arrangement.

Napangisi siya nang mapait. "Bakit kailangan mo pang sabihin ‘to? Sa tingin mo ba gugustuhin kitang mahalin?"

Isang mapanganib na ngiti ang sumilay sa labi ni Raiden. Tumayo ito at lumapit sa kanya, ang mga mata ay hindi bumibitaw sa kanyang mukha.

"Good," bulong nito habang yumuyuko sa kanya. "Dahil hindi rin ako interesado sa isang babaeng katulad mo."

Napalunok si Amara. Alam niyang insulto iyon, pero hindi niya kayang itago ang kirot sa dibdib niya.

Pero ang huling bahagi ng kasunduan ang nagpatigil sa kanyang paghinga.

Clause 3: You will share my bed.

Nabitawan niya ang dokumento. Napatingin siya kay Raiden, hindi makapaniwala sa nabasa niya. "Anong ibig sabihin nito?"

Isang nakakalokong ngiti ang sumilay sa labi ng lalaki. Hinawakan nito ang kanyang baba, pinipilit siyang tumingin sa mga mata nito.

"Ibig sabihin, Amara," bulong ni Raiden, "kapag nag-utos ako, susunod ka. At bilang asawa ko, wala kang karapatang tumanggi."

Nanlaki ang mga mata niya. "Hindi mo ako pag-aari!"

Sa isang iglap, lumalim ang titig ni Raiden. "Simula nang pumayag ka sa kasunduang ito, pag-aari na kita."

Itinulak niya ang kamay nito at tumayo. "Hindi ako papayag! Hindi ko kayang tiisin ‘to habang ang mga magulang ko ay—"

Isang mabilis na kilos ang ginawa ni Raiden. Bago pa siya makalayo, hinawakan nito ang kanyang braso at hinila siya pabalik sa sofa.

"Ano sa sinabi ko ang hindi mo naintindihan?" bulong nito, ang boses ay mapanganib na mababa.

Nanlaki ang mga mata niya sa pagkabigla. "Gusto ko lang bantayan ang mga magulang ko!"

"At babayaran ko ang lahat ng gastusin nila," madiin nitong sagot, "pero hindi ko papayagan ang asawa ko na pagala-gala. Narito ka dahil sa kasunduan natin, at wala kang karapatang lumabag sa alinmang kondisyon ko."

Napatingin si Amara sa mahigpit na hawak nito sa kanyang braso. Ramdam niya ang init ng kamay ni Raiden sa balat niya, at sa kabila ng galit niya, hindi niya kayang itanggi ang kakaibang kilabot na dumaloy sa kanyang katawan.

Isang mapanganib na katahimikan ang bumalot sa pagitan nila.

Hindi niya namalayan ang paglapit ni Raiden hanggang sa maramdaman niya ang pagdampi ng kanyang mainit na hininga sa kanyang tainga.

"Kung gusto mong bayaran ko ang lahat," bulong nito, "wala kang ibang gagawin kundi sumunod sa akin."

Pumikit siya, sinusubukang pigilan ang bumabangong emosyon. Pero bago pa siya makasagot, naramdaman niya ang malambot ngunit matigas na labi ni Raiden sa kanyang leeg—isang mapangahas na halik na nagpaigting ng tensyon sa pagitan nila.

Napapitlag siya at pilit na itinutulak ang dibdib nito. "Raiden…"

Pero sa halip na bitawan siya, mas lalong hinapit ni Raiden ang kanyang bewang, pinipilit siyang sumunod sa ritmo ng kanyang katawan.

"Wag kang matakot," bulong nito, ang boses ay puno ng pang-aakit. "Isang halik lang, hindi ka mamamatay."

Nanginginig ang buo niyang katawan, hindi dahil sa takot—kung hindi sa init na gumapang sa bawat himaymay ng kanyang pagkatao.

"Bitawan mo ako," mahina ngunit matigas ang tinig ni Amara habang pilit niya paring itinutulak ang dibdib ni Raiden.

Ngunit sa halip na bumitaw, mas lalong humigpit ang pagkakahawak nito sa kanyang bewang. Ang init ng palad niya ay tila nagbabaga sa manipis na tela ng kanyang blouse, at kahit anong pilit niyang iwasang maramdaman ito, hindi niya mapigilan ang pagbilis ng tibok ng kanyang puso.

"Akala ko ba handa kang gawin ang lahat?" bulong ni Raiden, ang hininga nito ay dumadampi sa kanyang tainga, na parang sinadya upang guluhin ang isip niya.

Isang malalim na kilabot ang gumapang sa kanyang katawan nang maramdaman niya ang malamig ngunit magaspang na daliri nito na bahagyang dumampi sa kanyang baba. Pinilit niyang ipaling ang mukha, ngunit sa isang mabilis na kilos, hinuli iyon ni Raiden at dahan-dahang iniangat paharap sa kanya.

"Tumingin ka sa akin, Amara."

Napilitan siyang tumingin sa kanya—sa madilim na mata nitong puno ng pag-aangkin. Parang hinihigop ng titig ni Raiden ang natitira niyang katinuan. Ang panginginig ng kanyang katawan ay hindi na dahil sa galit, kundi sa matinding tensyon na bumalot sa kanilang dalawa.

Sa isang iglap, bumaba ang labi ni Raiden sa kanya.

Naramdaman ni Amara ang malambot ngunit mariing pagdikit ng labi nito sa kanya—hindi magaan, hindi banayad. It was firm, demanding, and utterly possessive.

Napapitlag siya, ngunit hindi siya binigyan ng pagkakataong makawala. Naramdaman niya ang malakas na braso ni Raiden na yumakap sa kanyang baywang, hinahatak siya papalapit hanggang sa wala nang espasyo sa pagitan ng kanilang katawan.

"Raiden…" mahina niyang anas, pilit na nilalabanan ang bumabangong init sa kanyang katawan.

Ngunit sa halip na makinig, mas lalong naging mapangahas si Raiden. Binaybay ng labi nito ang bawat sulok ng kanya—mula sa malambot niyang labi pababa sa kanyang panga, bago bumalik upang muling sakupin ang kanyang bibig. This time, deeper, hungrier—parang wala na siyang kawala.

Nanginginig ang mga tuhod ni Amara. Hindi niya alam kung saan ibabaling ang sarili, lalo na nang maramdaman niyang bumaba ang kamay ni Raiden sa kanyang likod, hinahaplos ang bawat kurba ng kanyang katawan.

Bumilis ang paghinga niya. Ang dapat ay isang halik lang ay unti-unting naging isang mapanganib na laro na hindi niya kayang kontrolin.

"P—please, tama na," mahina niyang bulong, ngunit tila hindi iyon narinig ni Raiden.

Imbis na bumitaw, hinapit siya nito palapit pa lalo. Muling bumaba ang labi nito sa kanyang leeg, at sa bawat halik, ramdam niya ang init ng bawat dampi nito sa kanyang balat. Ang amoy ng mamahaling pabango nito ay nakakalasing, at kahit anong pilit niyang pigilan ang sarili, hindi niya kayang itanggi ang kakaibang damdaming bumabalot sa kanya.

"Akin ka na, Amara," bulong ni Raiden sa kanyang tenga, ang boses ay mababa at puno ng pangako.

Muli siyang hinalikan nito—mas madiin, mas malalim. At sa sandaling iyon, alam niyang hindi lang pisikal na kontrol ang hawak ni Raiden sa kanya. Unti-unti, sinasakop nito ang bawat bahagi ng kanyang pagkatao.

At mas kinakatakutan niya… baka hindi niya kayang labanan ito nang matagalan.