Chapter Eighty-one

NGUMUSO si Megara matapos ng pagkahaba-habang sermon na nakuha niya kay Russel. Hindi na nga sila nakakain nang mabuti dahil walang tigil ito sa pagsalita. Nang kumalma naman ay buntong-hininga nang buntong-hininga rin ito.

"Huwag ka nang magalit." Kinuha niya ang kamay nito at ilang ulit na hinila para makuha ang atensiyon ng lalaki.

Mula sa tanawin sa harap nila, nabaling sa kaniya ang mga mata nitong masama kung tumingin. Mabilis siyang nagbaba ng mukha.

"Hindi naman niya ako sinaktan, e. Tinulungan pa nga niya ako."

"Megara!" Tuluyan itong humarap sa kaniya.

Napasinghan siya bago lalong nag-iwas ng mukha rito. Nang makitang hindi pa rin nawawala ang galit ng lalaki, tuluyan siyang tumayo at muling lumusong sa tubig. Lulubusin na niya ito habang hindi pa sila umuuwi.

Hindi naman mapigilan ni Russel ang magmura. Hindi niya alam kung anong laro ang ginagawa ng Rinhu Tianok na iyon. Delikado itong tao, pero anong ginagawa nito ngayon? Sinusu