49

49.

NAKATITIG sa kanya ang babae sa labas ng main entrance, na para bang inaaral ang kanyang mukha. Iniabot sa kanya ni Phillip ang dalawang I.D ng babae, na tiningnan naman kaagad niya.

Tumango siya kaya pinapasok iyon, at wala namang alarm ang machine nang tumapat iyon sa scanner. She was cleared from any deadly weapon.

“Pwede po ba kitang makausap, Mister Montesalvo?” Magalang na tanong nito sa kanya habang nasa likuran naman niya si Melo.

Nakasuot pa ng uniform ang babae, at mukhang taga restaurant ito dahil may burda na Chef's cuisine ang polo shirt nitong suot.

“Ate Rose!” Mula sa likod ay sumigaw si Berna kaya lahat sila napatingin.

Kumaway lang naman ang babae roon. Ngayon ay talagang kumpirmado niya na pinsan nga ni Ruth ang kaharap niya.

“Let's go to my office,” anyaya niya kay Rose, na tumango naman at agad na inalalayan ni Melo nang siya ay mag-umpisang lumakad.

Nararamdaman na niya ang hilo at puyat dahil sa byahe at kawalan ng sapat na pahinga.

He really wants to sleep.