Kabanata 34.1

Pag-uwi ko ng bahay ay nasa labas pa lamang ako ng rinig ko na ang ingay nilang lahat mula sa salas. Nangingibabaw ang boses ng anak ko.

“Daddy marami po ba akong pasalubong?”

“Aba ay oo naman. Hindi pwedeng mawalan ang nag-iisa kong anak.” napangiti na lang ako habang pinapanuod silang nagbubuklat ng malaking maleta ni Jayson na puro pasalubong lang ang laman.

“Yehey, thank you Daddy. Sana po nagsabi kang uuwi ka na para nasalubong ka namin ni Mommy sa airport.”

“Gusto ko kasi kayong masurprise, hindi na yun surprise kapag sinabi ko diba?”

“Beatrice.” Naagaw ko ang atensyon nila nang mapansin na ako ni Aurora.

“Mommy, look oh andito na si Daddy.” Masayang saad ni Ethan, ngumiti na lang ako saka sila nilapitan.

“Mukhang hindi niyo na ako hinintay sa pagbubuklat ng pasalubong ah.” Pagbibiro ko saka ako naupo sa tabi ng anak ko.

“Nasa isang maleta raw ni Daddy ang mga pasalubong po niya sayo.” sabat ni Ethan.

“Alam mo naman ang Daddy mo, masyadong special ang Mommy.” Natatawang