Kabanata 066 Where's my child

Eumerriah’s Point of View

“Kamusta ang trabaho?” tanong ni Jayson.

“Maayos naman. Medyo naninibago lang,” sagot ko.

“Sabi ko naman sa iyong hayaan mo na lang ako ang magtrabaho para sa atin, para sa mga bata,” nakangiting pangungumbinsi ni Jayson.

“Ginawa mo naman akong baldado. Alam ko paano kumita ng pera kaya hayaan mo ako. Isa pa, sino ka ba?” mataray kong tanong sa kaniya.

“Iyang kilay mo! Hahaha kahit kailan talaga napakasungit mo. Concern lang naman ako sa iyo at sa mga bata,” sabi niya, sabay tawa.

“Nyenyee. Alam ko iyon, hindi mo na kailangan paulit-ulitin pa,” pang-aasar ko.

Sa loob ng halos anim na taon, nandiyan na siya para sa amin ng mga bata. Siya ang katuwang ko sa lahat kahit hindi ko siya pinapayagan noong una. Matagal niya din akong nakumbinsi. Sa totoo lang, ayoko talagang magkaroon ng koneksyon sa pamilya o malalapit kay Gabrielle. Ayoko ng kung anong gulo lalo na at masaya na siya sa pamilya niya.

“Sinabi ko naman, hindi ako naghihintay ng kapalit. Gusto lang ki