Chapter 50- Para na siya kay Kallahan

Hindi na napigilan ni Mithi si Angelica na umalis ng bahay. Naiwan siya kasama ni Shy at bigla siyang napaisip kung sinong ex ni Kallahan na nagbigay ng trauma dito.

Hindi niya maiwasang mapaisip kung bakit ganoon ang reaction ni Kallahan kagabi. ‘Ano bang ginawa ng ex niya sa kaniya para maisip niya na gagawin ko rin yun sa kaniya?’

Tumingin siya kay Shy. “Shy, pwede mo ba akong samahan mag-almusal?”

“Kung iyon po ang gusto niyo Miss Mithi,” magalang na saad ni Shy sa kaniya.

“Ahm.. Shy, matagal ka na bang nagtatrabaho kay Kallahan?”

“Hindi pa po Miss Mithi.”

Tumingin si Mithi sa plato niya. “Kilala mo ba ang ex niya?”

“Hindi po Miss Mithi. Wala po akong alam sa nakaraan ni sir.”

Tumahimik siya. ‘Nagsasabi kaya siya ng totoo?’ tanong niya sa isipan niya.

“Sa tingin mo Shy, mabait na tao si Kallahan?”

“Opo ma’am. Wala pa po akong nakikila na kasingbait ni sir.” Walang pagdadalawang isip na sagot ni Shy sa kaniya. Tumango siya at tumayo. Ni hindi niya nakain ang nasa mesa.

“Pakilagay l