Chapter 74

Dalawang araw ang lumipas magmula ng malaman nila ang plano ni Annika kung bakit gusto nitong kunin ang bata.

Balak pala nitong ibenta si Ivan sa mga sindikato upang maging mesirable ang buhay ng bata. At gamitin ang perang ibabayad pampiyansa sa kinakasama nitong adik at nagtutulak ng droga na magdadalawang linggo na rin pala sa kulungan na nakakulong.

Nakailang sampal si Cherry Lou kay Annika ng hindi niya mapigilan ang bugso ng kanyang damdamin. Naaawa siya sa kapatid pero sa ipinagtapat nito sa kanya ng sarilinan niya itong kausapin sa kung saang silid nila ikinulong si Annika ay nanggigil siya rito, nagpanting talaga ang kanyang mga tenga.

Kinahapunan din ng araw na yun ay kinuha na rin ng social worker at staff ng rehabilitation center sa kung saan napili ni Cherry Lou dalhin ang kanyang kapatid. Sa tulong ni Attorney John Paul Advincula ay nagawan nila ng paraan na maipasok ng rehab si Annika kahit na hindi na nagpakita ang ina nitong si Annalyn sa kanila dahil pinagbawalan it